“தப்பு கணக்கு போடாதீங்க” விசிக வாக்குகளைத் தடுக்க நடக்கும் சதி.. தவெகவில் பாமக இருந்தால் என்ன நடக்கும் தெரியுமா..? திருமாவளவன் அதிரடி..!!

தவெக கூட்டணியில் பாமக இணைவதாகவும், அக்கட்சி அமைச்சரவையில் இடம் பெறப் போவதாகவும் திட்டமிட்டு வதந்திகள் பரப்பப்பட்டு வருவதாக விசிக தலைவர் தொல். திருமாவளவன் பேஸ்புக் நேரலையில் விளக்கம் அளித்துள்ளார். இவ்வாறு வதந்தி பரப்பினால் விசிகவினர் பின்வாங்குவார்கள் என்றும், விசிகவின் வாக்குகள் தவெகவுக்குச் செல்ல விடாமல் தடுக்கலாம் என்றும் சிலர் கணக்குப் போடுவதாக அவர் குற்றம் சாட்டியுள்ளார்.

பாஜகவும், பாமகவும் இருக்கும் எந்த ஒரு அணியிலும் விசிக ஒருபோதும் இருக்காது என்பதில் தாங்கள் உறுதியாக இருப்பதாகத் திருமாவளவன் தெளிவுபடுத்தியுள்ளார். தங்களது இந்த அரசியல் நிலைப்பாட்டில் தங்களுக்கு எந்தவிதமான ஊசலாட்டமும் இல்லை என்றும் அவர் தனது அறிக்கையில் திட்டவட்டமாகக் குறிப்பிட்டுள்ளார்.

தமிழக அரசியல் வட்டாரத்தில் தவெக மற்றும் விசிக கூட்டணிக் குறித்தான விவாதங்களுக்கு இடையே திருமாவளவன் தங்களின் தெளிவான மற்றும் உறுதியான நிலைப்பாட்டை வெளிப்படுத்தியதை உறுதிப்படுத்துகிறது.