“ஒரு பாதாம் = 38,000 கேள்விகள்” எல்லா தண்ணீரையும் AI குடித்துவிடுகிறதா ChatGPT..? குற்றச்சாட்டுக்கு பாதாம் பருப்பை வைத்து ட்விஸ்ட் கொடுத்த சாம் ஆல்ட்மேன்..!!

டேட்டா சென்டர்கள் அதிகளவு தண்ணீரை உறிஞ்சுவதாக உலகளவில் எழும் குற்றச்சாட்டுகளுக்குப் பதிலளிக்கும் விதமாக, ஒரு சாதாரண ChatGPT கேள்விக்கு வெறும் 0.32 மில்லி லிட்டர் நீர் மட்டுமே தேவைப்படுவதாக OpenAI நிறுவனத்தின் தலைமை நிர்வாக அதிகாரி சாம் ஆல்ட்மேன் விளக்கம் அளித்துள்ளார். மேலும், உலகில் உள்ள அனைத்து நீரையும் செயற்கை நுண்ணறிவு (AI) தொழில்நுட்பம் குடித்துவிடுவதாகக் கூறுவது முற்றிலும் தவறான கருத்தாகும் என்றும் அவர் திட்டவட்டமாக மறுத்துள்ளார்.

AI தொழில்நுட்பத்தின் நீர் பயன்பாட்டை ஒப்பிட்டுக் காட்டிய சாம் ஆல்ட்மேன், ஒரேயொரு பாதாமை உற்பத்தி செய்யத் தேவைப்படும் நீரைக் கொண்டு, ChatGPT-ல் 38,000 கேள்விகளைக் கேட்க முடியும் என்று ஒரு வியப்பூட்டும் புள்ளிவிவரத்தை வெளியிட்டுள்ளார். டேட்டா சென்டர்களின் குளிர்விப்பு அமைப்புகளுக்காகத் தண்ணீர் பயன்படுத்தப்பட்டாலும், அது விவசாயம் மற்றும் பிற உற்பத்தித் துறைகளுடன் ஒப்பிடும்போது மிகவும் குறைவே என்பதை இந்த ஒப்பீட்டின் மூலம் அவர் தெளிவுபடுத்தியுள்ளார்.