“துணியை கிழிச்சு, நடுரோட்டுல வச்சு..” மதுக்கடையில் வெடித்த மோதல்.. போதை ஆசாமிகளின் வெறிச்செயல்.. வாலிபருக்கு நேர்ந்த விபரீதம்.. வைரலாகும் பகீர் வீடியோ..!!

உத்தரப் பிரதேச மாநிலம் மீரட் மாவட்டத்தில் உள்ள லிசாரி கேட் காவல் நிலைய எல்லைக்குட்பட்ட நூர் நகர் ஹால்ட் பகுதியில் உள்ள மதுக்கடை ஒன்றில் இந்த அதிர்ச்சியூட்டும் கொடூரச் சம்பவம் அரங்கேறியுள்ளது. அங்குள்ள சிற்றுண்டிச்சாலையில் இளைஞர் ஒருவர் சிலருடன் அமர்ந்து மது அருந்திக் கொண்டிருந்தபோது, அவர்களுக்குள் திடீரென வாக்குவாதம் ஏற்பட்டுள்ளது. இதில் ஆத்திரமடைந்த போதை ஆசாமிகள், அந்த இளைஞரை நடுரோட்டிற்கு இழுத்து வந்து, அவரது ஆடைகளைக் கிழித்து அரைகுறை ஆடையாக்கிக் கட்டைகளாலும் தடிகளாலும் மிகக் கொடூரமாகத் தாக்கியுள்ளனர்.

நடுரோட்டில் பொதுமக்கள் பார்த்துக் கொண்டிருக்கும்போதே ஒட்டுமொத்த சட்ட ஒழுங்கையும் கையில் எடுத்துக்கொண்டு அராஜகத்தில் ஈடுபட்ட அந்தப் போதை கும்பல், இளைஞரை நிலைகுலையச் செய்த பிறகு அங்கிருந்து தப்பியோடியுள்ளது. இளைஞர் கொடூரமாகத் தாக்கப்படும் இந்த நெஞ்சை பதறவைக்கும் வீடியோ சமூக ஊடகங்களில் வெளியாகித் தற்போது தீயாய் பரவி வருகிறது. இந்தச் சம்பவம் அப்பகுதி மக்களிடையே பெரும் அதிர்ச்சியையும், போதை ஆசாமிகளின் அத்துமீறல்கள் குறித்த கடுமையான அச்சத்தையும் ஏற்படுத்தியுள்ளது.