LATEST NEWS
“நான் எப்பேற்பட்டவன் தெரியுமா…?” – முதுமலை புலி சர்ச்சைக்கு வன்னி அரசு அதிரடி விளக்கம்..!!
முதுமலை புலிகள் காப்பகத்தில் புலிகளை விரட்டித் துன்புறுத்தியதாக எழுந்த சர்ச்சைக்கு அமைச்சர் வன்னி அரசு விளக்கம் அளித்துள்ளார். இது குறித்து அவர் அளித்துள்ள பேட்டியில், தன் மீதான குற்றச்சாட்டுகளை மறுத்துத் தனது தரப்பு நியாயத்தை முன்வைத்துள்ளார்.
தனது இயற்கை நேசம் குறித்துப் பேசிய அவர், தான் மக்களை மட்டும் நேசிப்பவன் அல்ல என்றும், விலங்குகள், காடுகள் மற்றும் கடலையும் அளவுகடந்து நேசிப்பவன் என்றும் குறிப்பிட்டுள்ளார். எனவே, தன்னால் எந்தவொரு வனவிலங்குக்கும் சிறிதளவும் தீங்கு ஏற்படாது என்று அவர் திட்டவட்டமாகத் தெரிவித்துள்ளார்.
மேலும், கடந்த 15 ஆண்டுகளுக்கும் மேலாகத் தான் தொடர்ந்து மலையேற்றத்தில் ஈடுபட்டு வருவதாகவும், வன விதிகளை நன்கு அறிந்தவன் என்றும் அவர் சுட்டிக்காட்டியுள்ளார். தற்போதைய முதுமலைப் பயணமும் வனத்துறையின் முறையான அனுமதி பெற்ற பிறகே மேற்கொள்ளப்பட்டது என அவர் தனது விளக்கத்தில் கூறியுள்ளார்.
