“வீடு இருக்கும்… ஆனா வாழ நேரம் இருக்காது..” இளைஞர்களுக்கு மும்பைப் பெண் கொடுத்த முக்கிய லைஃப் அட்வைஸ்..! இணையத்தில் புயலைக் கிளப்பிய வைரல் வீடியோ..!!

மும்பையைச் சேர்ந்த ருச்சி துபே என்பவர் தனது இன்ஸ்டாகிராம் பக்கத்தில் ஒரு வீடியோவைப் பகிர்ந்துள்ளார். அதில், திங்கள்கிழமை இரவில் தனது வீட்டின் பெரிய சொசைட்டி வளாகத்தில் தனியாக நடைப்பயிற்சி மேற்கொள்ளும் அவர், அந்த இடம் மிகவும் ஆள்நடமாட்டமின்றி வெறிச்சோடி இருப்பதைச் சுட்டிக்காட்டுகிறார். மறுநாள் செவ்வாய்க்கிழமை என்பதால், அங்குள்ள அனைவரும் வேலைக்குச் செல்ல வேண்டிய கட்டாயத்தில் இருப்பதாகவும், அதனால் தான் அந்த வளாகம் யாருமின்றி அமைதியாக இருக்கிறது என்றும் அவர் தெரிவிக்கிறார்.

வீட்டுக்கடன் வாங்கி வீடு வாங்குபவர்கள், அந்த வீடுகளிலோ அல்லது அந்த சொசைட்டியில் உள்ள வசதிகளிலோ நேரத்தைச் செலவிட்டு மகிழ்வதற்கான உரிமையைக் கூட இழந்துவிடுகிறார்கள் என்று அவர் வேதனையுடன் கூறுகிறார். எந்தவொரு பெரிய பொறுப்பும் அல்லது கடனும் இல்லாமல் இருப்பவர்களே வாழ்க்கையை உண்மையில் அனுபவிக்க முடிகிறது; ஆனால், கடன் வாங்கியவர்களோ ஓய்வின்றி வேலை செய்துகொண்டே இருக்க வேண்டிய சூழலுக்குத் தள்ளப்படுகிறார்கள்.

https://www.instagram.com/reel/DeH6dUGNo_-/?utm_source=ig_web_button_share_sheet

இன்றைய இளைஞர்கள் பலர் மிகக் குறைந்த வயதிலேயே அவசரப்பட்டு வீட்டுக்கடன் வாங்கிவிட்டு, அதன்பின் வாழ்நாள் முழுவதையும் அந்தக் கடனை அடைப்பதிலேயே கழித்துவிடுகிறார்கள் என்று அவர் எச்சரிக்கிறார். எனவே, இதுபோன்ற பெரிய கடன்களைப் பெறுவதற்கு முன்பாக யோசித்துச் செயல்படுமாறு அவர் அறிவுறுத்துகிறார். இந்த வீடியோ சமூக வலைத்தளங்களில் வைரலாகி வரும் நிலையில், “இன்றைய இளைஞர்கள் வீட்டுக்கடன் வலையில் சிக்கிக் கொள்கிறார்கள்” என்றும், “போதும் என்ற அளவுக்கு சொத்து மதிப்பு இருந்தால் மட்டுமே இதுபோன்ற முடிவுகளை எடுக்க வேண்டும்” என்றும் இணையவாசிகள் பலரும் அவரது கருத்துக்கு ஆதரவு தெரிவித்து வருகின்றனர்.