ஐயா இளவரசரே..! உங்க அப்பா இல்ல தாத்தாவை கூட கூட்டிட்டு வாங்க.. உதயநிதிக்கு அமைச்சர் ஆதவ் அர்ஜுனா ஓப்பன் சேலஞ்ச்… அதிரும் அரசியல் களம்..!!

அமைச்சர் ஆதவ் அர்ஜுனா, மதுராந்தகம் சட்டமன்றத் தொகுதி இடைத்தேர்தலில் தங்கள் கட்சியின் சார்பில் போட்டியிடும் வேட்பாளர் மரகதம் குமரவேலை ஆதரித்து செப்டம்பர் 27 அன்று தீவிர தேர்தல் பிரசாரத்தில் ஈடுபட்டார். அப்போது பொதுக்கூட்டத்தில் பேசிய அவர், திமுகவின் முக்கிய தலைவரும் சட்டமன்ற எதிர்க்கட்சித் தலைவருமான உதயநிதி ஸ்டாலினுக்குப் பகிரங்க சவால் விடுத்தார்.

தொடர்ந்து பேசிய அவர், “தம்பி உதயநிதி அவர்களே, இந்த மதுராந்தகம் தொகுதியில் திமுக வெற்றி பெற்றால் நான் எனது தவெக பொதுச்செயலாளர் பதவியிலிருந்து உடனடியாக விலகிக்கொள்கிறேன். தவெகவை விட ஒரு வாக்கு கூடுதலாக திமுக பெற்றுவிடுமா? அதேபோல், இந்தத் தொகுதியில் நாங்கள் வெற்றி பெற்றால், நீங்கள் உங்களது கட்சிப் பொறுப்புகளை விட்டு விலகத் தயாராக இருக்கிறீர்களா?” என அதிரடியாகக் கேள்வி எழுப்பினார்.

மேலும் திமுகவை கடுமையாக விமர்சித்த அவர், “1967-ல் அறிஞர் அண்ணா மக்கள் ஆட்சியைக் கொண்டுவந்தார். அதன் பிறகு கலைஞர் கருணாநிதி குடும்ப ஆட்சியைக் கொண்டுவந்து, பிறகு மன்னர் ஆட்சியைக் கொண்டுவந்தார்” என்று குற்றம் சாட்டினார். பின்னர் வந்த மு.க.ஸ்டாலினுக்குத் தன் மகனைப் பெரிய மன்னனாக்க வேண்டும் என்ற கனவு உள்ளது என்றும் அவர் சாடினார்.

இறுதியாக, தவெகவின் பலத்தை நிரூபிக்கும் வகையில் பேசிய அவர், “இளவரசர் உதயநிதி எங்கள் தலைவர் அளவுக்குப் பேச வேண்டாம்; எங்களுக்கு முதலில் பதில் கூறுங்கள். நாங்கள் எளிய வீட்டுப் பிள்ளைகள், நீங்கள் 70 ஆண்டு பழமையான கட்சி ஆயிற்றே. இந்தத் தொகுதி பரப்புரைக்கு உங்க அப்பா அல்லது உங்க தாத்தாவைக் கூட நீங்கள் தாராளமாகக் கூட்டிட்டு வாங்க” என சவால் விடுத்து தனது உரையை நிறைவு செய்தார்.