ஸ்கூட்டரை நிறுத்துவதில் தகராறு… 6 முறை துப்பாக்கியால் சுட்டு கொலை.. நண்பர்களே கொலையாளிகள் ஆன பயங்கரம்..!!

பஞ்சாப் மாநிலம் அமிர்தசரஸில் வீட்டின் அருகே ஸ்கூட்டரை நிறுத்துவது தொடர்பாக ஏற்பட்ட சிறிய தகராறில், 27 வயதான அமித் சபர்வால் என்ற இளைஞர் துப்பாக்கியால் சுட்டுக் கொல்லப்பட்ட சம்பவம் பெரும் அதிர்ச்சியை ஏற்படுத்தியுள்ளது. தனியார் நிறுவனத்தில் பணியாற்றி வந்த அவர், அக்டோபர் 23ஆம் தேதி இரவு தனது நண்பர்களுடன் வெளியே சென்றுவிட்டு வீட்டுக்குத் திரும்பியபோது இந்தத் துயரம் நிகழ்ந்துள்ளது.

அமித் தனது ஸ்கூட்டரை வீட்டின் அருகே நிறுத்தியிருந்தபோது, அதே பகுதியில் வசிக்கும் அபி ஷா, சன்னி ஷா மற்றும் ரித்திக் ஷா ஆகிய மூன்று சகோதரர்கள் வாகனத்தை நகர்த்துமாறு கூறியுள்ளனர். இதனால் இரு தரப்பினருக்கும் இடையே வாக்குவாதம் முற்றிய நிலையில், அபி ஷா என்பவர் அமித்தை நோக்கி நாட்டுத் துப்பாக்கியால் சுமார் 5 முதல் 6 முறை சுட்டுள்ளார். துப்பாக்கிச் சத்தத்தைக் கேட்டு வெளியே வந்த குடும்பத்தினர், அமித் ரத்த வெள்ளத்தில் கிடப்பதைக் கண்டு அதிர்ச்சியடைந்து அவரை மருத்துவமனைக்குக் கொண்டு சென்றனர், ஆனால் அவர் வழியிலேயே உயிரிழந்தார்.

இச்சம்பவம் குறித்து வழக்குப்பதிவு செய்துள்ள போலீசார், கண்காணிப்புக் கேமரா பதிவுகளை ஆய்வு செய்து தலைமறைவாக உள்ள மூன்று சகோதரர்களையும் தீவிரமாகத் தேடி வருகின்றனர். இதற்கிடையே, இந்தத் துப்பாக்கிச் சூடு சம்பவம் பஞ்சாப் மாநிலத்தில் சட்டம்-ஒழுங்கு மற்றும் பொதுமக்களின் பாதுகாப்பு குறித்த கடுமையான அரசியல் விவாதங்களையும் விமர்சனங்களையும் எதிர்க்கட்சிகள் மத்தியில் எழுப்பியுள்ளது.