BREAKING: நாம் தமிழர் வேட்பாளர் கார்த்திகா கைது.. சற்றுமுன் பரபரப்பு..!!

தாராபுரம் சட்டப்பேரவைத் தொகுதி இடைத்தேர்தல் பரப்புரையின் போது, தமிழக முதலமைச்சர் சி. ஜோசப் விஜய்யின் ரோடுஷோ சென்ற பாதையில் மறியலில் ஈடுபட்டது உள்ளிட்ட புகார்களில் பதியப்பட்ட வழக்குகளுக்காக, நாம் தமிழர் கட்சியின் (நாதக) தாராபுரம் தொகுதி வேட்பாளர் கார்த்திகா கோவையில் வைத்து காவல்துறையினரால் அதிரடியாகக் கைது செய்யப்பட்டுள்ளார். தாராபுரத்தில் தவெக வேட்பாளர் சத்யபாமாவை ஆதரித்து முதலமைச்சர் விஜய் இறுதிக்கட்டப் பிரச்சாரத்திற்காக வந்திருந்த போது, அதே வீராச்சிமங்கலம் பிரிவு பகுதியில் நாம் தமிழர் கட்சியினரும் பிரச்சாரத்தில் ஈடுபட்டதால் இரு தரப்பினரிடையே தள்ளுமுள்ளு ஏற்பட்டு பரபரப்பு நிலவியது.

தேர்தல் விதிமுறைகளை மீறியது மற்றும் அனுமதியின்றி சாலை மறியல், காவல்துறையினருடன் வாக்குவாதம் உள்ளிட்ட விவகாரங்கள் தொடர்பாக தாராபுரம் காவல் நிலையத்தில் பதிவு செய்யப்பட்ட 3 முக்கிய வழக்குகளின் அடிப்படையில் இந்தச் சட்டப்பூர்வ நடவடிக்கை எடுக்கப்பட்டுள்ளது. இந்த விவகாரத்தில் வேட்பாளர் கார்த்திகாவுடன் சேர்த்து, தாராபுரம் நாம் தமிழர் கட்சிப் பொறுப்பாளர் சஞ்சய் காந்தி மற்றும் கார்த்திகாவின் கணவர் உட்பட மொத்தம் 6 பேர் காவல்துறையினரால் கைது செய்யப்பட்டுள்ளதாகத் தகவல்கள் வெளியாகியுள்ளன. இந்த அடுத்தடுத்த கைது நடவடிக்கைகள் கொங்கு மண்டல நாதக மற்றும் அரசியல் வட்டாரத்தில் பெரும் பரபரப்பை ஏற்படுத்தியுள்ளது.