யாருமே எதிர்பாராத டுவிஸ்ட்..! பாஜகவிற்கு எதிராக இணையும் விசிக, பாமக..? திருமாவளவன் போட்ட குண்டு.. அரசியல் வட்டாரத்தில் பரபரப்பு..!!

“பாஜகவிற்கு எதிராக விசிக, பாமக இணையுமா?” என்ற செய்தியாளர்களின் கேள்விக்கு விடுதலைச் சிறுத்தைகள் கட்சியின் தலைவர் தொல். திருமாவளவன் எம்பி தெளிவான விளக்கமளித்துள்ளார். பாமகவின் கடந்த கால நடவடிக்கைகள் அனைத்தும் பாஜகவை ஒட்டியே இருந்ததால்தான் தங்களுக்கு அப்படி ஒரு நிலைப்பாட்டை எடுக்க நேர்ந்தது என்று குறிப்பிட்ட அவர், யூகமான கேள்விகளுக்கு யூகமாகப் பதில் சொல்ல முடியாது எனத் தெரிவித்துள்ளார். தங்களின் அரசியல் நிலைப்பாட்டில் எப்போதும் உறுதியாக இருப்பதாகவும் அவர் செய்தியாளர்களிடம் சுட்டிக்காட்டியுள்ளார்.

சாதிய மற்றும் மதவாத அரசியலைத் தீவிரமாக முன்னெடுத்து, அதைத் தங்களின் கொள்கையாக உயர்த்திப் பிடிக்கும் கட்சிகளோடு தேர்தலுக்காகக் கூடக் கூட்டணி உறவை வைத்துக் கொள்ள மாட்டோம் என்பதில் இன்றும் உறுதியாக இருப்பதாகத் திருமாவளவன் திட்டவட்டமாகக் கூறியுள்ளார். கொள்கை ரீதியாகத் தங்களின் பாதையில் சமரசம் செய்யப் போவதில்லை என்பதைத் தெளிவுபடுத்தியுள்ள அவரது இந்த அறிவிப்பு, தமிழக அரசியல் வட்டாரத்தில் தற்போதைய கூட்டணிக் கணக்குகள் குறித்த விவாதங்களை மீண்டும் தீவிரப்படுத்தியுள்ளது.