“ஸ்டேஷனுக்கு வந்து காசை வாங்கிக்கோ…” ஏழை ரிக்ஷா ஓட்டுநரை நடுரோட்டில் மிரட்டிய பெண் போலீஸ்.. சோசியல் மீடியாவில் வறுத்தெடுக்கும் நெட்டிசன்கள்..!!

உத்தரப் பிரதேச மாநிலம் கான்பூரில், பெண் காவலர்கள் இருவர் தங்களுக்குரிய முழு பயணக் கட்டணத்தை வழங்க மறுத்து, ஈ-ரிக்ஷா ஓட்டுநரை மிரட்டிய சம்பவம் தொடர்பான வீடியோ சமூக வலைத்தளங்களில் வெளியாகி பெரும் அதிர்வலைகளை ஏற்படுத்தியுள்ளது. கான்பூரில் இரண்டு பெண் காவலர்கள் ஒரு ஈ-ரிக்ஷாவில் ஏறித் தங்களது இருப்பிடத்திற்குச் சென்றுள்ளனர். பயணம் முடிந்த பிறகு, ரிக்ஷா ஓட்டுநர் அவர்களிடம் அதற்குரிய பயணக் கட்டணத்தைக் கேட்டுள்ளார். ஆனால், அந்தப் பெண் காவலர்கள் இருவரும் தங்களுக்குரிய முழு தொகையைக் கொடுக்காமல், மிகக் குறைவான தொகையை ஓட்டுநரிடம் கொடுத்துவிட்டு அங்கிருந்து செல்ல முயன்றுள்ளனர்.

பெண் காவலர்களின் இந்த அராஜகமான செயலைக் கண்டு அதிர்ச்சியடைந்த ஈ-ரிக்ஷா ஓட்டுநர், உடனடியாக அவர்களை வழிமறித்துத் தனக்குரிய முழு கட்டணத்தையும் தருமாறு உரிமையுடன் கேட்டுள்ளார். அதற்கு அந்தப் பெண் காவலர்கள், “உனக்கு முழு பணம் வேண்டுமானால் காவல் நிலையத்திற்கு வந்து வாங்கிக் கொள்” என்று அதிகாரத் தோரணையில் மிரட்டல் விடுத்துள்ளனர். இந்த அநீதியைக் கண்டு அஞ்சாத ரிக்ஷா ஓட்டுநர், பெண் காவலர்கள் தன்னிடம் ரகளையில் ஈடுபடும் ஒட்டுமொத்த சம்பவத்தையும் தனது மொபைல் போனில் வீடியோவாகப் பதிவு செய்து, சமூக வலைத்தளங்களில் வைரலாக்கியுள்ளார். இச்சம்பவம் தற்போது உத்தரப் பிரதேச காவல் துறைக்கு பெரும் அவப்பெயரை ஏற்படுத்தியுள்ளது.