“உங்களை தற்குறின்னு சொல்றதே பெரிய வார்த்தைடா..!” தவெக நிர்வாகிகளை அக்குவேறு ஆணிவேறாகப் பிரித்து மேய்ந்த சீமான்… தமிழக அரசியலில் வெடித்த மாபெரும் பூகம்பம்..!!!

உங்களை தற்குறி எனச் சொல்வதே பெரிய வார்த்தைடா என்று தவெக நாம் தமிழர் கட்சியின் தலைமை ஒருங்கிணைப்பாளர் சீமான் மிகக் காரசாரமாக வெளுத்து வாங்கியுள்ள அதிரடிப் பேச்சு தமிழக அரசியல் களத்தில் மாபெரும் விவாதப் புயலைக் கிளப்பியுள்ளது. மாமன்னர் பூலித்தேவனின் 311-வது பிறந்தநாளை முன்னிட்டு நாம் தமிழர் கட்சியின் சார்பில் நடைபெற்ற சிறப்புக் கூட்டத்தில் கலந்துகொண்டு பேசிய சீமான், தவெகவைச் சேர்ந்த நிர்வாகிகளுக்குப் பல்கலைக்கழகத்திற்கும் கல்லூரிக்கும் உள்ள வித்தியாசமே தெரியவில்லை என்று அடுக்கடுக்கான சாடல்களை முன்வைத்தார். மதுரை காமராஜர் பல்கலைக்கழகத்தை அரசு கல்லூரியாக மாற்ற வேண்டும் என தவெக மதுரை எம்.எல்.ஏ கேட்பதைக் குறிப்பிட்டு, ஏற்கனவே அரசுப் பல்கலைக்கழகமாக இருக்கும் ஒன்றைக் கல்லூரி ஆக்கச் சொல்வதைக் கேட்டு, “உங்களை தற்குறி என்று சொல்வதே பெருமைக்குரிய வார்த்தை, இதற்கு மேல் வார்த்தை இல்லை” என்று மிக ஆக்ரோஷமாகச் சீறினார்.

மேலும், தமிழ்நாட்டு மக்களின் வாழ்வாதாரப் பிரச்சினைகளை முன்வைத்துத் தவெக அரசைச் சீமான் கடுமையாக விமர்சித்தார். தமிழகத்தில் மீனவர்கள் சுட்டுக் கொல்லப்படுவது, நில வளம் கொள்ளையடிக்கப்படுவது, காவிரியில் தண்ணீர் வராதது போன்ற எத்தனையோ மாபெரும் போராட்டக் களங்கள் இருக்கும் போது, ‘சர்க்கார்’ பட போஸ்டரைக் கிழித்ததுதான் இவர்களுக்கு சர்வதேசப் பிரச்சினையாகத் தெரிகிறது என்று புஸ்ஸி ஆனந்தின் பேச்சைச் சுட்டிக்காட்டி எள்ளி நகையாடினார். மேட்டூர் அணையை வெறும் 6 கோடி ரூபாயில் கட்டியிருப்பார்கள், ஆனால் தற்பொழுது அந்த அணையைத் திறந்து வைப்பதற்காக 6 கோடி ரூபாயைச் செலவழித்துப் போகும் அவல நிலை உலகிலேயே இங்கு மட்டும்தான் நடக்கிறது என்று முதலமைச்சர் சி. ஜோசப் விஜய் அரசை நேரடியாகச் சாடினார். அடுத்த 5 ஆண்டுகளில் தமிழ்நாட்டில் ‘ரூல்’ (Rule) நடக்கப் போவதில்லை, வெறும் ‘ரீல்’ (Reel) மற்றும் காட்சிதான் நடக்கப் போகிறது என்று சீமான் பேசியுள்ள இந்த அதிரடி அரசியல் விமர்சனக் காணொளி தற்பொழுது சோசியல் மீடியாவில் அசுர வேகத்தில் ட்ரெண்டாகி வருகிறது.