LATEST NEWS
நெஞ்சை உலுக்கும் கொடூர வீடியோ: கள்ளத்துப்பாக்கியால் 2 நாய்களைச் சுட்டுக்கொன்ற வாலிபர்.. வலியால் துடிதுடித்து மாண்ட வாயில்லா ஜீவன்..
உத்தரப் பிரதேச மாநிலம் மெயின்புரியில் விலங்கு வதைக்கு எதிரான ஒரு கொடூரமான சம்பவம் வெளிச்சத்திற்கு வந்துள்ளது. அங்குள்ள கல்யாண்பூர் கிராமத்தில் இரண்டு தெரு நாய்கள் துப்பாக்கியால் சுடப்படும் அதிர்ச்சியூட்டும் வீடியோ சமூக வலைதளங்களில் வைரலாகி வருகிறது. இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.
சுபோத் என்ற இளைஞர், கள்ளத்துப்பாக்கியைப் பயன்படுத்தி அந்த நாய்களைக் கொடூரமாகச் சுட்டுள்ளார். துப்பாக்கிக் குண்டு பாய்ந்ததில், ஒரு நாய் வலியால் துடிதுடித்து சம்பவ இடத்திலேயே பரிதாபமாக உயிரிழந்தது. மற்றொரு நாய் மரணத்தின் விளிம்பிற்குத் தள்ளப்பட்டது. இந்த கொடூரச் செயல் அங்கிருந்த குழந்தைகளின் முன்னிலையிலேயே அரங்கேறியுள்ளது.
இந்தக் கொடூரமான வீடியோ வைரலானதை அடுத்து, போகன் காவல் நிலையப் போலீஸார் சம்பவ இடத்திற்கு விரைந்து தீவிர விசாரணையில் ஈடுபட்டுள்ளனர். சட்டவிரோத ஆயுதத்தைப் பயன்படுத்தியது மற்றும் விலங்கு வதை சட்டத்தின் கீழ் குற்றம் சாட்டப்பட்ட சுபோத்தைத் தேடும் பணியில் போலீஸார் தீவிரமாக ஈடுபட்டுள்ளனர்.
