என்ன பாஸ் இப்படி பண்ணறீங்க..? இந்தியாவின் அடிமடியில் கைவைத்த அமெரிக்கா..! ரஷ்யாவிடம் எண்ணெய் வாங்கினால்… பெரிய ஆப்பு வைக்க காத்திருக்கும் டிரம்ப்..!!

அமெரிக்க நாடாளுமன்றத்தில் ரஷ்யாவிடமிருந்து கச்சா எண்ணெய் வாங்கும் இந்தியா மற்றும் சீனா உள்ளிட்ட நாடுகள் மீது 100% வரி விதிப்பதற்கான புதிய மசோதா ஒன்று கொண்டு வரப்பட்டுள்ளது. உக்ரைன் போருக்குப் பிறகும் ரஷ்யாவின் பொருளாதாரத்திற்கு வலு சேர்க்கும் வகையில் கச்சா எண்ணெய் இறக்குமதி செய்யும் நாடுகளைக் கட்டுப்படுத்த அமெரிக்க எம்பிக்கள் இந்த அதிரடி சட்ட வரைவை முன்மொழிந்துள்ளனர். இந்த மசோதாவிற்கு அமெரிக்க எம்பிக்கள் பலரும் தங்களது பலத்த ஆதரவைத் தெரிவித்து வருகின்றனர்.

இந்த விவகாரத்தில் மற்றொரு முக்கிய திருப்பமாக, அமெரிக்க அதிபர் டொனால்ட் டிரம்பும் இந்த புதிய வரி விதிப்பு மசோதாவுக்குத் தனது முழு ஆதரவை வழங்கியுள்ளதாகத் தகவல்கள் வெளியாகியுள்ளன. அமெரிக்காவின் இந்த கடுமையான நிலைப்பாடு, ரஷ்யாவுடன் வணிகத் தொடர்பில் இருக்கும் நாடுகளுக்குப் பெரும் பொருளாதார நெருக்கடியை ஏற்படுத்தக் கூடும் என அஞ்சப்படுகிறது. குறிப்பாக, இந்தியாவின் கச்சா எண்ணெய் இறக்குமதி மற்றும் அதன் மீதான விலைக் கொள்கையில் இது மிகப்பெரிய தாக்கத்தை ஏற்படுத்தும் என எதிர்பார்க்கப்படுகிறது.

இருப்பினும், இந்த மசோதாவில் ஐரோப்பிய நாடுகளுக்கு மட்டும் ஒரு முக்கிய சலுகை வழங்கப்பட்டுள்ளது குறிப்பிடத்தக்கது. ரஷ்யாவிடமிருந்து இயற்கை எரிவாயுவை (Natural Gas) வாங்கும் ஐரோப்பிய நாடுகளுக்கு மட்டும் இந்த 100% வரி விதிப்பு விதியிலிருந்து முழுமையாக விலக்கு அளிக்கப்படும் என அந்த மசோதாவில் பிரத்யேகமாகக் குறிப்பிடப்பட்டுள்ளது. அமெரிக்காவின் இந்த இரட்டை நிலைப்பாடு மற்றும் ஒருதலைப்பட்சமான பொருளாதாரக் கெடுபிடிகள் உலகளாவிய எரிசக்தி சந்தையில் புதிய விவாதங்களையும் பரபரப்பையும் கிளப்பியுள்ளன.