சிறந்த வீரர் மெஸ்ஸியா ..? ரொனால்டோவா..? “GOAT விவாதம் முடிவுக்கு வந்தது” மெஸ்ஸி பகிர்ந்த வீடியோவால் இணையத்தில் வெடித்த மோதல்..!!

சர்வதேச கால்பந்து போட்டிகளில் இருந்து தனது ஓய்வை அறிவித்த லியோனல் மெஸ்ஸி, தனது அதிகாரப்பூர்வ இன்ஸ்டாகிராம் பக்கத்தில் ஒரு விளம்பர வீடியோவைப் பகிர்ந்துள்ளார். Michelob ULTRA நிறுவனத்தின் ‘டேப் க்ளோஸ்டு’ என்ற பிரச்சாரத்தின் ஒரு பகுதியாக வெளியிடப்பட்ட அந்த வீடியோவில், மெஸ்ஸியின் சர்வதேச சாதனைகள் அனைத்தும் ஒரு உணவகத்தின் பில் (Receipt) போல வரிசையாகக் காட்டப்படுகின்றன. அந்த ரசீதின் இறுதியில், கால்பந்து உலகின் மிக நீண்ட விவாதத்திற்கு முற்றுப்புள்ளி வைக்கும் வகையில் ‘GOAT விவாதம் முடிவுக்கு வந்துவிட்டது’ என்ற வாசகம் இடம்பெற்றுள்ளது.

அர்ஜென்டினா அணிக்காக உலகக் கோப்பை மற்றும் கோபா அமெரிக்கா போன்ற வரலாற்றுச் சிறப்புமிக்க வெற்றிகளைப் பெற்றுத் தந்த மெஸ்ஸியின் இந்த அறிவிப்பு இணையத்தில் பெரும் பரபரப்பை ஏற்படுத்தியுள்ளது. இதனால், கால்பந்து வரலாற்றில் சிறந்த வீரர் மெஸ்ஸியா அல்லது கிறிஸ்டியானோ ரொனால்டோவா? என்ற ரசிகர்களின் மோதலும், ஆரோக்கியமான விவாதங்களும் சமூக ஊடகங்களில் மீண்டும் தீவிரமாக வெடித்துள்ளன.