“அடச்சீ நீயெல்லாம் ஆசிரியரா..?” ஆபீஸ் அறைக்குள்ள மாணவிகளுக்கு முத்தம் கொடுத்து டார்ச்சர் செய்த கொடூரம்.. பீரோவுக்குப் பின்னால் நடந்த அசிங்கம்.. பரபரப்பு பின்னணி..!!

திருச்சி மாவட்டம் சமயபுரம் அருகே பள்ளிவிடை பகுதியில் உள்ள புனித மரியன்னை அரசு உதவி பெறும் பள்ளியின் தலைமையாசிரியராகவும், பங்குத்தந்தையாகவும் பணியாற்றி வந்த ஜெயராஜ் என்பவர், பள்ளி மாணவிகளுக்கு கடந்த ஐந்து மாதங்களாகத் தொடர்ந்து பாலியல் தொல்லை கொடுத்து வந்த கொடூரக் குற்றத்திற்காகக் காவல்துறையினரால் அதிரடியாகக் கைது செய்யப்பட்டுள்ளார். 1-ம் வகுப்பு முதல் 10-ம் வகுப்பு வரை இயங்கி வரும் இப்பள்ளியில் பொறுப்பேற்ற சில நாட்களிலேயே, அந்தப் பாதிரியார் மாணவிகளிடம் வரம்பு மீறி நடக்கத் தொடங்கியுள்ளார். அவ்வப்போது தனது அலுவலக அறையில் உள்ள பீரோவிலிருந்து பொருட்களை எடுத்து வருமாறு மாணவிகளைத் தனியாக அழைத்து, பொருட்கள் எடுக்கும் சாக்கில் அவர்களைப் பின்தொடர்ந்து சென்று அத்துமீறித் தொடுவது, கன்னத்தைக் கிள்ளுவது மற்றும் முத்தம் கொடுப்பது என அசுரத்தனமான பாலியல் அராஜகத்தில் ஈடுபட்டு வந்ததாகக் கூறப்படுகிறது.

அவர் ஒரு பாதிரியார் என்பதால் அச்சமடைந்த மாணவிகள், ஆரம்பத்தில் வெளியில் சொல்லப் பயந்து அசாத்திய அமைதி காத்து வந்துள்ளனர்; ஆனால், நாளுக்கு நாள் அவரது அசிங்கமான தொல்லைகள் எல்லையைக் கடந்து அதிகரிக்கவே, பாதிக்கப்பட்ட சிறுமிகள் தங்களது பெற்றோரிடம் அழுதுகொண்டே விபரத்தைக் கூறியுள்ளனர். இதனால் கடும் ஆத்திரமடைந்த பெற்றோர்கள் மற்றும் பொதுமக்கள் கொடுத்த அவசரப் புகாரின் அடிப்படையில், காவல்துறையினர் போக்சோ போன்ற கடுமையான பிரிவுகளின் கீழ் வழக்குப் பதிவு செய்து ஜெயராஜை சல்லடை போட்டுத் தேடி அதிரடியாகக் கைது செய்துள்ளனர். சிறுமிகள் தொடர்புடைய விவகாரம் என்பதால் அவர்களின் அடையாளம் ரகசியமாக வைக்கப்பட்டு, இந்த அசிங்கமான பாலியல் வேட்டையில் இன்னும் வேறு எந்தெந்த மாணவிகள் பாதிக்கப்பட்டுள்ளார்கள் என்பது குறித்து அதிகாரிகள் தங்களது பாணியில் தீவிர விசாரணை நடத்தி அசுர ஆப்பு அடிக்கத் தயாராகி வருகின்றனர்.