CRIME
“நான் கேட்பதைக் கொடு.. இல்ல ஓயோ அறைக்கு வா..” பூங்காவில் காதலியைச் சரமாரியாகத் தாக்கி மிரட்டிய இளைஞர்.. கொந்தளிக்கும் இணையவாசிகள்..!!
பொது இடமான பூங்கா ஒன்றில் காதலன் மற்றும் காதலி இடையே ஏற்பட்ட வாக்குவாதம் கைகலப்பாக மாறிய அதிர்ச்சிச் சம்பவம் ஒன்று வெளிச்சத்திற்கு வந்துள்ளது. பூங்காவில் இருவரும் ஒன்றாக நடந்து சென்று கொண்டிருந்தபோது, அந்த இளைஞர் அப்பெண்ணிடம் முத்தம் கொடுக்குமாறு வற்புறுத்தியுள்ளார். ஆனால், சுற்றிலும் பொதுமக்கள் அதிகளவில் இருப்பதைச் சுட்டிக்காட்டிய அந்த இளம்பெண், பொது இடத்தில் இதுபோன்ற செயல்களில் ஈடுபட முடியாது எனத் திட்டவட்டமாக மறுத்துள்ளார்.
இளம்பெண்ணின் இந்த மறுப்பால் கடும் ஆத்திரமடைந்த அந்த இளைஞர், பொதுமக்கள் முன்னிலையிலேயே அப்பெண்ணைச் சரமாரியாகத் தாக்கியதாகக் கூறப்படுகிறது. மேலும், “இங்கு முத்தம் கொடுக்க முடியாது என்றால், என்னுடன் ஓயோ அறைக்கு வா; ஒன்றில் எனக்கு முத்தம் கொடு, இல்லையெனில் நான் கேட்பதைக் கொடு” என்று கூறி அந்த இளைஞர் வற்புறுத்தி மிரட்டியதாகவும் தகவல்கள் வெளியாகியுள்ளன. பொது இடத்தில் நடந்த இந்த அத்துமீறல் மற்றும் வன்முறைச் சம்பவம் சமூக வலைதளங்களில் கடும் கண்டனங்களைப் பெற்று வருகிறது.
