CRIME
அடிப்பாவி… கள்ளக்காதலுக்கு இடையூறாக இருந்த கணவன்… காதலனுடன் சேர்ந்து மனைவி போட்ட மாஸ்டர் பிளான்..! துருவித் துருவி விசாரித்ததில் அம்பலமான பகீர் கொலை..!!
பீகார் தலைநகர் பாட்னாவில் பெரும் பரபரப்பை ஏற்படுத்திய இர்பான் கொலை வழக்கில் காவல்துறை திடுக்கிடும் உண்மைகளை வெளியிட்டுள்ளது. கள்ளத்தொடர்புக்கு தடையாக இருந்த கணவனை வழியிலிருந்து அகற்ற, மனைவியும் அவரது காதலனும் இணைந்து இந்த கொடூரக் கொலையை அரங்கேற்றியுள்ளனர். இந்த வழக்கில் காவல்துறையினர் வெறும் 48 மணி நேரத்திற்குள் தீவிர நடவடிக்கை எடுத்து, இறந்தவரின் மனைதியையும் அவரது காதலனையும் கைது செய்துள்ளனர். இருப்பினும், இந்த கொடூரச் செயலில் ஈடுபட்ட இரண்டு துப்பாக்கிதாரிகள் இன்னும் தலைமறைவாக உள்ளனர், அவர்களைத் தேடும் பணி தீவிரமாக நடந்து வருகிறது.
காவல்துறையின் தகவலின்படி, கடந்த நவம்பர் 10-ஆம் தேதி நள்ளிரவு 11:30 மணியளவில், தொழிலால் ஓட்டுநரான 32 வயதுடைய இர்பான் தனது வீட்டில் இருந்தபோது மர்ம நபர்களால் சுட்டுக் கொல்லப்பட்டார். மோட்டார் சைக்கிளில் வந்த மர்ம நபர்கள் வீட்டின் கதவைத் தட்டி, கதவு திறக்கப்பட்டவுடன் இர்பான் மீது துப்பாக்கிச் சூடு நடத்தினர். திடீரென நடந்த இந்த துப்பாக்கிச் சூட்டால் அப்பகுதியில் பெரும் பீதி ஏற்பட்டது. அக்கம் பக்கத்தினர் வெளியே வருவதற்குள், தாக்குதல் நடத்தியவர்கள் மோட்டார் சைக்கிளில் ஏறி தப்பியோடிவிட்டனர்.
தானாபூர்-2 பிரிவு எஸ்டிபிஓ அமரேந்திர குமார் ஜாவின் கூற்றுப்படி, காவல்துறையினர் தீவிர விசாரணைக்குப் பிறகு இர்பானின் மனைவி மற்றும் அவரது காதலன் கரண் குமாரை காவலில் எடுத்து விசாரித்தனர். ஆரம்பத்தில் இருவரும் காவல்துறையை திசைதிருப்ப முயன்றாலும், காவல்துறையினரின் தீவிர விசாரணைக்குப் பிறகு குற்றத்தை ஒப்புக்கொண்டனர். இர்பானின் மனைவிக்கும் கரணுக்கும் கடந்த இரண்டு ஆண்டுகளாகத் கள்ளத்தொடர்பு இருந்து வந்ததாகவும், இதில் இர்பான் தொடர்ந்து தடையாக இருந்ததால்தான் இந்தக் கொலைத் திட்டம் தீட்டப்பட்டதாகவும் விசாரணையில் தெரியவந்துள்ளது.
