“எனக்கு அரசுப்பணமே வேண்டாம்” சினிமாவில் கோடிகள்… அரசியலில் நேர்மை… இந்தியாவை வியக்க வைக்கும் தமிழக முதல்வர் விஜய்..!!

இதுவரை தமிழகத்தில் மட்டுமல்லாமல், இந்தியாவிலேயே இப்படி ஒரு முதல்வர் இல்லை என்று அனைவரும் போற்றும் வகையில் தமிழக முதல்வர் விஜய்யின் செயல்பாடுகள் அமைந்துள்ளன. இந்திய அளவில் உள்ள மற்ற மாநில முதல்வர்களுக்கு ஒரு சிறந்த முன்னுதாரணமாகத் திகழும் அவரது நிர்வாகத்திறன், ஒட்டுமொத்த நாட்டின் கவனத்தையும் தமிழகத்தின் பக்கம் திரும்ப வைத்துள்ளது. குறிப்பாக, அவருக்கு அதிகாரத்தின் மீதோ அல்லது பணத்தின் மீதோ சிறிதும் ஆசையில்லையோ என்று பலரையும் வியப்பில் ஆழ்த்தியிருக்கிறது.

தமது அரசியல் வருகையின் போதே, “நான் பணம் சம்பாதிப்பதற்காக அரசியலுக்கு வரவில்லை; சினிமா வாழ்க்கையின் உச்சத்தில் இருந்தபோதே அதைத் துறந்துவிட்டு வந்திருக்கிறேன்” என்று விஜய் தெளிவுபடுத்தினார். ஒரு திரைப்படத்திற்கு 200 கோடி முதல் 300 கோடி ரூபாய் வரை ஊதியம் பெறும் வாய்ப்பை விட்டுவிட்டு மக்கள் சேவைக்காக அவர் வந்ததை உணர்ந்த பொதுமக்கள், அவரது அரசியல் வருகையை வெகுவாக வரவேற்றனர்.

ஆரம்பத்தில் சிலர், “அதிகாரத்தைக் கைப்பற்றும் வரை அனைவரும் இப்படித்தான் பேசுவார்கள்; ஆட்சிக்கு வந்ததும் மற்றவர்களைப் போல ஊழல் செய்யத் தொடங்கிவிடுவார்கள், விஜய்யும் இதற்கு விதிவிலக்கல்ல” என்று எதிர்மறையாகக் கருத்து தெரிவித்தனர். ஆனால், மற்ற அரசியல்வாதிகளைப் போலத் தான் இல்லை என்பதை நிரூபிக்கும் வகையில், அரசுப் பணத்தையோ அல்லது மக்கள் பணத்தையோ ஒரு ரூபாய் கூடத் தொடமாட்டேன் என்று கூறியபடியே தற்போதைய முதல்வர் விஜய் செயல்பட்டு வருகிறார்.

அரசாங்கச் சலுகைகளைத் தவிர்த்து, தமது சொந்தப் பணத்தைச் செலவிடுவதுதான் முதல்வர் விஜய்யின் தனித்துவமான சிறப்பம்சமாகும். சட்டப்படி முதல்வரின் உள்நாட்டு மற்றும் வெளிநாட்டுப் பயணச் செலவுகளை அரசே ஏற்றுக்கொள்ள முடியும். பதவி ஏற்ற பிறகு பாதுகாப்பு காரணங்களுக்காக இருமுறை தனி விமானத்தில் டெல்லி சென்றபோது, அதற்கான கட்டணத்தைச் சொந்தப் பணத்திலிருந்தே செலுத்தியுள்ளார். “சினிமாவில் சம்பாதித்த பணமும், அதன்மூலம் வரும் வருமானமுமே எனக்குப் போதும்” என்ற பரந்த மனப்பான்மையுடன் அவர் இச்செயலைச் செய்துள்ளார்.

அரசியலை ஒரு வியாபாரமாகப் பார்க்கும் பிற அரசியல்வாதிகள் இதை விசித்திரமாகப் பார்த்தாலும், மக்கள் மத்தியில் முதல்வர் விஜய்யின் செல்வாக்கு மேலும் உயர்ந்துள்ளது. இதுபோன்று தமிழகத்தை முன்பு ஆட்சி செய்தவர்களும் நேர்மையாக நடந்திருந்தால், மாநிலத்தின் கடன் சுமை இந்த அளவுக்கு அதிகரித்திருக்காது என்று பொருளாதார வல்லுநர்கள் கருத்து தெரிவிக்கின்றனர். அந்த வகையில், நேர்மையான நிர்வாகத்திற்கு இந்தியாவுக்கே ஒரு சிறந்த எடுத்துக்காட்டாகத் தமிழக முதல்வர் விஜய் விளங்குகிறார்.