“இனிமே எந்தப் பொண்ணு பக்கமாவது போவியா..?” சாமி வேஷத்துல அத்துமீறிய நபர்.. பக்கா பிளான் போட்டு போலி சாமியாரை ரவுண்டு கட்டி அடித்த பெண்கள்..!!

மத்திய பிரதேசத்தைச் சேர்ந்த பெண்கள் சிலர், ராஜஸ்தானைச் சேர்ந்த சாமியார் வேடமிட்ட நபர் மீது சுரண்டல், தாக்குதல் மற்றும் மிரட்டி பணம் பறித்தல் ஆகிய கடுமையான குற்றச்சாட்டுகளைச் சுமத்தியுள்ளனர். பாதிக்கப்பட்ட பெண்கள் அந்த நபரைப் பிடிப்பதற்காக ஒரு திட்டமிட்டு, உத்தரப் பிரதேசத்தின் பிருந்தாவனில் உள்ள சைதன்ய விஹாரில் உள்ள ஒரு விருந்தினர் இல்லத்திற்கு அவரை வரவழைத்துள்ளனர். அவர் அங்கு வந்ததும், அங்கிருந்த பெண்கள் அவரைப் பிடித்துத் தாக்கத் தொடங்கினர். இந்தச் சம்பவம் தொடர்பான வீடியோ சமூக வலைதளங்களில் வைரலாகி வருகிறது.

காவல்துறையில் அளிக்கப்பட்ட புகாரின்படி, போப்பாலைச் சேர்ந்த ஒரு யுவதி, ராஜஸ்தானின் சவாய் மாதோபூர் பகுதியைச் சேர்ந்த ஹிம்மத் கிரி என்ற ஹெமந்த் ராஜ் மீனாவைச் சித்தோர்காரில் உள்ள ஒரு தேவி கோயிலில் சந்தித்துள்ளார். அந்த நபர் தனது செல்வாக்கைப் பயன்படுத்தி அப்பெண்ணைக் வசப்படுத்தி, கட்டாயப்படுத்தி உடலுறவு கொண்டதாகக் கூறப்படுகிறது. இதனை எதிர்த்தபோது அவர் தாக்குதலிலும் ஈடுபட்டுள்ளார். மேலும், பெண்களின் ஆபாச வீடியோக்களை எடுத்து மிரட்டி வந்ததாகவும், அவமானத்திற்குப் பயந்து பல பெண்கள் புகார் அளிக்கத் தயங்கியதாகவும் குற்றச்சாட்டு எழுந்துள்ளது.

அந்த நபரைப் பிடிப்பதற்காகப் பாதிக்கப்பட்ட பெண்கள் விஸ்வ ஹிந்து பரிஷத் அமைப்பைச் சேர்ந்த சிலரின் உதவியைப் பெற்று, பிருந்தாவனத்திற்கு அவரை வரவழைத்துள்ளனர். அறைக்குள் வைத்து அப்பெண்கள் அவரைச் சூழ்ந்து தாக்கும் காட்சிகளும், அவரை அறையிலிருந்து வெளியே இழுத்துச் செல்லும் காட்சிகளும் வீடியோவில் பதிவாகியுள்ளன. தகவலறிந்து சம்பவ இடத்திற்கு வந்த காவல்துறையினர் அந்த நபரைப் பிடித்துக் காவல் நிலையத்திற்கு அழைத்துச் சென்று விசாரணை நடத்தி வருகின்றனர். மத்தியப் பிரதேசப் பெண் அளித்த புகாரின் அடிப்படையில் சட்டப்படி உரிய நடவடிக்கை எடுக்கப்படும் என காவல்துறையினர் தெரிவித்துள்ளனர்.