அடக்கொடுமையே..! சொந்த சித்தியைத் துடிதுடிக்கக் கொடூரமாக கொன்ற வாலிபர்.. 6 ஆண்டுகளுக்குப் பின் நீதிமன்றம் கொடுத்த அதிரடி தீர்ப்பு..!!

ராஜஸ்தான் மாநிலம் பாலி மாவட்டத்தில் உள்ள பூசி கிராமத்தில், கடந்த 2018-ஆம் ஆண்டு டிசம்பர் 23 அன்று ஒரு கொடூரமான கொலைச் சம்பவம் அரங்கேறியது. அன்று காலை சுமார் 10:30 மணியளவில் பால் எடுத்துக்கொண்டு வீட்டிற்குத் திரும்பிய நரேஷ் பரிஹார் என்ற இளைஞர், வீட்டில் இருந்த தனது சொந்தச் சித்தியான லட்சுமி தேவி என்பவருடன் ஏற்பட்ட முன்விரோதம் மற்றும் ஆத்திரத்தின் காரணமாக அவரிடம் தகராறில் ஈடுபட்டுள்ளார். இந்த மோதல் முற்றவே, நரேஷ் தனது சித்தியை நோக்கி கத்தியால் மிகக் கொடூரமான முறையில் அடுத்தடுத்து தடியடியாகக் குத்தியுள்ளார். இத்தாக்குதலில் லட்சுமி தேவியின் கழுத்து மற்றும் உடலில் ஆழமான வெட்டுக் காயங்கள் ஏற்பட்டு, அதிக இரத்தப்போக்கு காரணமாக அவர் சம்பவ இடத்திலேயே துடிதுடித்துப் பரிதாபமாக உயிரிழந்தார்.

இந்தக் கொடூரக் கொலை நடந்த சமயத்தில், அங்கு வந்த ஜீவாராம் என்ற நபர் நரேஷ் கையில் இரத்தக் கறையுடனான கத்தியை வைத்திருந்ததை நேரில் பார்த்துள்ளார். சாட்சியைப் பார்த்ததும் பயந்துபோன நரேஷ், கொலைக்கு பயன்படுத்திய ஆயுதங்களை அங்கேயே போட்டுவிட்டுத் தப்பியோடினார். எனினும், காவல்துறையினர் உடனடியாக விரைந்து செயல்பட்டுத் தப்பியோடிய நரேஷை வழியிலேயே மடக்கிப் பிடித்தனர். தொடர்ந்து நடத்திய விசாரணையில், சம்பவ இடத்திலிருந்து கத்தி, சுத்தியல் மற்றும் இரத்தக் கறை படிந்த ஆடைகளைக் கைப்பற்றி தடயவியல் ஆய்வகத்திற்கு அனுப்பினர். இந்த ஆய்வில், லட்சுமி தேவியின் உடலில் இருந்த இரத்தமும், நரேஷின் உடைகளிலும் ஆயுதங்களிலும் இருந்த மனித இரத்தமும் ஒரே ‘பிளட் குரூப்’ என்பது அறிவியல் பூர்வமாக உறுதி செய்யப்பட்டது.

இந்தச் சதித் திட்டம் மற்றும் கொலை தொடர்பான வழக்கு பாலி செஷன்ஸ் நீதிமன்றத்தில் கடந்த 6 ஆண்டுகளாக நடைபெற்று வந்தது. விசாரணையின் போது, நேரில் பார்த்த சாட்சியான ஜீவாராமின் வாக்குமூலம், மருத்துவர்களின் பிரேதப் பரிசோதனை அறிக்கை மற்றும் அறிவியல் பூர்வமான தடயவியல் சான்றுகள் அனைத்தும் நரேஷிற்கு எதிராக மிக வலுவாக அமைந்தன. இதனையடுத்து, சித்தியைக் திட்டமிட்டுக் கொடூரமான முறையில் கொலை செய்த குற்றத்திற்காக நரேஷ் பரிஹாருக்கு ஆயுள் தண்டனை மற்றும் 20 ஆயிரம் ரூபாய் அபராதம் விதித்து நீதிமன்றம் வரலாற்றுச் சிறப்புமிக்க தீர்ப்பளித்துள்ளது. மேலும், கொலை செய்யும் நோக்கத்துடன் சட்டவிரோதமாக வீட்டிற்குள் நுழைந்த குற்றத்திற்காக கூடுதலாக 10 ஆண்டுகள் கடுமையான சிறைத்தண்டனையும் விதிக்கப்பட்டு அவர் சிறையிலடைக்கப்பட்டார்.