“ஐயோ கடவுளே.. கல்யாண வீடே சுடுகாடான கொடூரம்…” மொட்டை மாடியில் பந்தல் அமைத்தபோது 3 பேருக்கு நேர்ந்த விபரீதம்.. நெஞ்சை உலுக்கும் சோக சம்பவம்..!!

உத்தரப் பிரதேச மாநிலம் மவூ மாவட்டத்தில் உள்ள தக்ஷின் டோலா காவல் எல்லைக்குட்பட்ட டோம்னுபுரா இஸ்லாமாபாத் பகுதியில், திருமண வீட்டின் மாடியில் பந்தல் அமைத்துக் கொண்டிருந்தபோது உயர் அழுத்த மின்சாரக் கம்பி உரசியதில் மின்சாரம் தாக்கி மூன்று பேர் பரிதாபமாக உயிரிழந்தனர். அந்தத் திருமண வீட்டில் கொண்டாட்டங்கள் களைகட்டியிருந்த வேளையில், பந்தல் அமைக்கும் தொழிலாளர்களான இர்பான் மற்றும் காமில் ஆகிய இருவரும் வீட்டின் மொட்டை மாடியில் இரும்பு கம்பிகளை வைத்துக் கட்டிக் கொண்டிருந்தனர். அப்போது எதிர்பாராதவிதமாக அவர்கள் கையில் இருந்த இரும்பு கம்பி, மாடிக்கு மேலே சென்ற உயர் அழுத்த மின்சாரக் கம்பியின் மீது உரசிக் கடுமையான மின்விபத்தை ஏற்படுத்தியது.

இதில் பந்தல் தொழிலாளர்கள் இருவரும் கொடூரமான முறையில் மின்சாரம் தாக்கித் துடிதுடித்ததைக் கண்ட திருமண வீட்டைச் சேர்ந்த நபர் ஒருவர், அவர்களைக் காப்பாற்றுவதற்காக ஓடிவந்துள்ளார். ஆனால், எதிர்பாராதவிதமாக மீட்பதற்குச் சென்ற அந்த நபரும் மின்சாரத்தின் வீரியத்தால் தூக்கி வீசப்படாமல் கம்பி வலையோடு சேர்ந்து மின்சாரப் பிடியில் சிக்கிக் கொண்டார். இந்தத் துரதிர்ஷ்டவசமான விபத்தில் மூன்று பேருமே சம்பவ இடத்திலேயே பரிதாபமாக உயிரிழந்தனர். இந்தச் சோகச் சம்பவம் குறித்துத் தகவலறிந்து வந்த தக்ஷின் டோலா போலீசார், உயிரிழந்தவர்களின் உடல்களைக் கைப்பற்றிப் பிரேதப் பரிசோதனைக்கு அனுப்பி வைத்ததுடன் வழக்குப்பதிவு செய்து தீவிர விசாரணை நடத்தி வருகின்றனர்.