“அடப்பாவி .. வீட்டிற்குள் நுழைந்த மைத்துனர்..’ அடுத்த நொடியே கணவனை இழந்த அண்ணிக்கு நேர்ந்த கொடூர முடிவு.. பரபரப்பு பின்னணி..!!

டெல்லியின் பவானா பகுதியில், கணவனை இழந்த தனது அண்ணிக்கு வேறொரு இளைஞருடன் முறையற்ற தொடர்பு இருப்பதாக ஏற்பட்ட சந்தேகத்தின் காரணமாக, மைத்துனர் விக்கி என்பவர் அவரைத் துப்பாக்கியால் சுட்டுக் கொடூரமாகக் கொலை செய்துள்ளார். பவானா பகுதியில் வசித்து வந்த மனிஷா தாபாஸ் (38) என்ற பெண்ணின் கணவர் சில ஆண்டுகளுக்கு முன்பு இறந்துவிட்டார். கணவர் இல்லாத நிலையில், மனிஷாவின் வீட்டிற்கு ஒரு இளைஞர் அடிக்கடி வந்து சென்றுள்ளார். இதற்கு அவரது மைத்துனரான விக்கி தாபர் கடும் எதிர்ப்பு தெரிவித்து வந்துள்ளார். தனது அண்ணி மனிஷா அந்த இளைஞருடன் காதலில் இருப்பதாக விக்கி சந்தேகித்ததால், இவர்களின் குடும்பத்திற்குள் இது தொடர்பாக ஏற்கனவே பஞ்சாயத்து கூட்டப்பட்டு எச்சரிக்கையும் விடுக்கப்பட்டுள்ளது.

இந்தச் சூழ்நிலையில், நேற்று காலை அந்த இளைஞர் மனிஷாவின் வீட்டை விட்டு வெளியே சென்று கொண்டிருந்தபோது, விக்கி வீட்டிற்குள் நுழைந்துள்ளார். அந்த இளைஞரைக் கண்டதும் ஆத்திரத்தின் உச்சத்திற்குச் சென்ற விக்கி, தனது கட்டுப்பாட்டை இழந்து அண்ணி மனிஷாவைத் துப்பாக்கியால் சுட்டுக் கொன்றார். இக்கொடூரக் கொலைச் சம்பவம் குறித்துத் தகவலறிந்த டெல்லி போலீஸார் உடனடியாகத் தனிப்படை அமைத்துத் தேடுதல் வேட்டையைத் தொடங்கினர். விபரீதம் நடந்த அடுத்த 5 மணி நேரத்திற்குள் குற்றவாளியான விக்கி தாபரை அதிரடியாகக் கைது செய்த போலீஸார், கொலைக்குப் பயன்படுத்தப்பட்ட துப்பாக்கியையும் அவரிடமிருந்து பறிமுதல் செய்து தீவிர விசாரணை நடத்தி வருகின்றனர்.