“குழந்தை வண்டியுடன் விசித்திரமாக சிரித்த பெண்..!” உள்ளே இருந்து கேட்ட அலறல் சத்தம்.. போலீசே அதிரவைத்த சம்பவம்.. வைரலாகும் அதிர்ச்சி வீடியோ..!!

அமெரிக்காவின் நியூயார்க் நகரில் உள்ள குயின்ஸ் பகுதியில், கடந்த செவ்வாய்க்கிழமை மதியம் 2:45 மணியளவில் அதிர்ச்சியூட்டும் சம்பவம் ஒன்று நடந்துள்ளது. அங்குள்ள 104-வது தெரு மற்றும் ஜமைக்கா அவென்யூ இரயில் நிலைய நுழைவாயில் அருகில், பெண் ஒருவர் ஒரு குழந்தை தள்ளுவண்டியை விசித்திரமாகத் தொடர்ந்து உலுக்கிக் கொண்டு, தனக்குத்தானே சத்தமாகச் சிரித்துக் கொண்டிருந்துள்ளார். சாம்பல் நிற ஸ்வெட்டரால் மூடப்பட்டிருந்த அந்த வண்டிக்குள் ஒரு சிறிய நாய் அடைக்கப்பட்டிருந்தது தெரியவந்தது. அந்த நாய் வண்டியிலிருந்து வெளியே வர முடியாமல், பயத்தில் தொடர்ந்து இடைவிடாது குரைத்துக் கொண்டே இருந்துள்ளது.

அப்பகுதியில் இருந்தவர்கள் உடனடியாக அவசர சேவைகளைத் தொடர்பு கொண்டு போலீசாருக்குத் தகவல் கொடுத்தனர். அந்தப் பெண் வீடற்றவர் என்றும், அவர் கடுமையான மனநலப் பாதிப்பிற்கு உள்ளாகி இருப்பதற்கான அறிகுறிகள் தெரிந்ததாகவும் நேரில் பார்த்தவர்கள் தெரிவித்துள்ளனர். எனினும், அவசர மருத்துவக் குழுவினரும் போலீசாரும் அங்கு வருவதற்குள் அவர் அந்த இடத்தை விட்டுத் தப்பிச் சென்றுவிட்டார். அந்த நாய் யாரோ ஒருவரிடமிருந்து திருடப்பட்டிருக்கலாம் என சந்தேகிக்கப்படுவதால், அதன் பாதுகாப்பைக் கருதி, அந்தப் பெண்ணை யாராவது கண்டால் உடனடியாக அவசர சேவைகளை அழைக்குமாறு போலீசார் கேட்டுக்கொண்டுள்ளனர்.