நாடே ஷாக்..! “பிளீஸ் என்னை விட்டுடுங்கடா” விடுதி அறையில் பெண்ணுக்கு நேர்ந்த கொடூரம்… மொபைல் கேமராவில் பதிவாகி.. இணையத்தில் வெளியான நெஞ்சை உலுக்கும் வீடியோ..!!

பீகார் மாநிலம் பெகுசராய் டவுன் காவல் நிலைய எல்லைக்குட்பட்ட பகுதியில் உள்ள ஒரு விடுதியில் , இளம்பெண் ஒருவர் கொடூரமாகத் தாக்கப்பட்டு பாலியல் வன்கொடுமைக்கு ஆளாக்கப்பட்ட அதிர்ச்சிச் சம்பவம் வெளிச்சத்திற்கு வந்துள்ளது. இச்சம்பவம் செப்டம்பர் 27ஆம் தேதி காலை நேரத்தில் நடந்துள்ளது. குற்றவாளி இந்த ஒட்டுமொத்தக் கொடூரத்தையும் வீடியோவாகப் பதிவு செய்து, அதனைச் சமூக வலைத்தளங்களிலும் பரப்பியுள்ளது பெரும் பரபரப்பை ஏற்படுத்தியுள்ளது.

பாதிக்கப்பட்ட பெண் அளித்துள்ள வாக்குமூலத்தின்படி, அவர் தனது வீட்டை விட்டு வெளியே வந்தவுடன் மோட்டார் சைக்கிளில் வந்த ஒரு வாலிபர் அவரை வலுக்கட்டாயமாக அந்த விடுதிக்கு அழைத்துச் சென்றுள்ளார். பின்னர் அங்கிருந்த மற்றொரு நபரிடம் அந்தப் பெண்ணை அவர் ஒப்படைத்துள்ளார். பகவான்பூர் காவல் நிலைய எல்லைக்குட்பட்ட தாமோதர்பூர் கிராமத்தைச் சேர்ந்த ரோஹித் குமார் என அடையாளம் காணப்பட்ட அந்த நபர், இளம்பெண்ணை விடுதி அறைக்குள் அழைத்துச் சென்று கதவைப் பூட்டியுள்ளார்.

அறைக்குள் வைத்து ரோஹித் குமார் அந்தப் பெண்ணை காலணிகளாலும், கைகளாலும் மிகக் கொடூரமாகத் தாக்கியுள்ளார். சமூக ஊடகங்களில் வெளியான வீடியோவில், தன்னை விட்டுவிடுமாறு அந்தப் பெண் கெஞ்சுவதும், அதைப் பொருட்படுத்தாமல் அந்த நபர் தொடர்ந்து தாக்குவதும் பதிவாகியுள்ளது. இந்தத் தாக்குதலுக்குப் பிறகு அவர் பாலியல் வன்கொடுமைக்கு ஆளாக்கப்பட்டதாகவும், முழுச் சம்பவத்தையும் பதிவு செய்வதற்காகவே அறையின் ஒரு பகுதியில் மொபைல் போன் கேமரா வைக்கப்பட்டிருந்ததாகவும் பாதிக்கப்பட்ட பெண் குற்றம் சாட்டியுள்ளார்.

பாதிக்கப்பட்ட பெண்ணின் தொடர் முயற்சியை அடுத்து, செப்டம்பர் 28ஆம் தேதி இரவில் டவுன் காவல் நிலையத்தில் முதல் தகவல் அறிக்கை பதிவு செய்யப்பட்டது. இச்சம்பவம் மற்றும் அது தொடர்பான வீடியோ குறித்துத் தாங்கள் அறிந்திருப்பதாகத் தெரிவித்துள்ள காவல் நிலைய அதிகாரி ஹிமான்ஷு சேகர், குற்றவாளி ரோஹித் குமார் மீது வழக்குப் பதிவு செய்யப்பட்டுள்ளதாகவும், அவரைத் தேடும் பணிகள் தீவிரமாக நடைபெற்று வருவதாகவும் குறிப்பிட்டுள்ளார்.