அய்யோ கொடுமையே..! சக மாணவர்கள், ஆசிரியர்கள் கண்முன்னே தீக்குளித்த 12ஆம் வாங்குபு மாணவி.. பள்ளி வளாகத்தில் அரங்கேறிய நடுநடுங்க வைக்கும் சம்பவம்…!!

தலைநகர் டெல்லியில் உள்ள கிருஷ்ணா நகர் பகுதியில் அமைந்துள்ள சர்வோதயா பால் மற்றும் பாலிகா வித்யாலயாவில் மிகவும் அதிர்ச்சியூட்டும் ஒரு சம்பவம் நடந்துள்ளது. இங்கு 12ஆம் வகுப்பு படித்து வந்த மாணவி ஒருவர், பள்ளி வளாகத்திற்குள்ளேயே தன் மீது எரியக்கூடிய திரவத்தை ஊற்றி தீ வைத்துக் கொண்டார். இந்த கோர விபத்தில் மாணவி சம்பவ இடத்திலேயே பரிதாபமாக உயிரிழந்தார். பள்ளி வளாகத்திற்குள் நடந்த இந்த பயங்கரமான சம்பவத்தால் அப்பகுதி முழுவதும் பெரும் பரபரப்பு ஏற்பட்டதுடன், ஆசிரியர்கள் மற்றும் மாணவர்கள் மத்தியில் பீதியும் குழப்பமும் நிலவியது.

வகுப்புகள் நடைபெற்றுக் கொண்டிருந்த வேளையில் இந்த சம்பவம் அரங்கேறியுள்ளது. சர்வோதயா பள்ளியில் 12ஆம் வகுப்பு பயிலும் மாணவி சந்தேகத்திற்கிடமான சூழ்நிலையில் தன் மீது எரியக்கூடிய பொருளை ஊற்றி தீ வைத்துக் கொண்டார். தீ மளமளவென்று பரவியதால், ஆசிரியர்களும் சக மாணவர்களும் சுதாரித்து உதவிக்கு வருவதற்குள் மாணவி சம்பவ இடத்திலேயே உயிரிழந்தார். இச்சம்பவத்தைத் தொடர்ந்து பள்ளி நிர்வாகத்தில் பதற்றம் ஏற்பட்டு, மாணவர்கள் பாதுகாப்பான இடங்களுக்கு அழைத்துச் செல்லப்பட்டனர்.

தகவல் அறிந்ததும் உள்ளூர் காவல்துறையினரும் தடயவியல் நிபுணர்களும் உடனடியாக சம்பவ இடத்திற்கு விரைந்தனர். ஆசிரியர்கள் மற்றும் நேரில் கண்டவர்களின் கூற்றுப்படி, மாணவியின் பள்ளிப் பையை சோதனை செய்தபோது சில சந்தேகத்திற்கிடமான பொருட்கள் கண்டெடுக்கப்பட்டுள்ளன. பையில் கிடைத்த பொருட்கள் என்ன என்பது குறித்தும், மாணவி இந்த தீவிர முடிவை எடுப்பதற்கான உண்மையான காரணம் குறித்தும் காவல்துறை அல்லது பள்ளி நிர்வாகம் தரப்பில் இதுவரை எந்த அதிகாரப்பூர்வ தகவலும் வெளியிடப்படவில்லை. இந்தச் சம்பவம் குறித்து தீவிர விசாரணை நடத்தி வரும் போலீசார், சக மாணவர்கள் மற்றும் ஆசிரியர்களிடம் விசாரணை மேற்கொண்டு வருகின்றனர்.