““என்னைக் கொன்றுவிடாதீர்கள்..!” மரண பயத்தில் அலறிய பல் மருத்துவர்.. பார்க்கிங் லாட்டில் நடந்த கொடூரக் கொலை.. சிசிடிவி பயங்கரம்..!!”

மெக்சிகோவின் சோனோரா மாகாணத்தில் உள்ள நோகலெஸ் நகரில், பல் சிகிச்சை திருப்திகரமாக இல்லை என்ற ஆத்திரத்தில் 42 வயது பல் மருத்துவரான அமேத் டி ஜெசஸ் பிரெசியாடோ ஹெர்னாண்டஸ் என்பவர் சுட்டுக் கொல்லப்பட்ட நெஞ்சை உலுக்கும் சம்பவம் அரங்கேறியுள்ளது. கடந்த அக்டோபர் 15-ஆம் தேதி தனது மருத்துவமனையின் வாகன நிறுத்தத்தில் மருத்துவர் இருந்தபோது, அங்கு வந்த நோயாளி துப்பாக்கியால் சுட்டுள்ளார். “என்னைக் கொன்றுவிடாதீர்கள்” என்று அந்த மருத்துவர் மரண பயத்தில் அலறிய இறுதித் தருணங்கள் அங்கிருந்த பாதுகாப்பு கேமராவில் பதிவாகி அதிர்ச்சியை ஏற்படுத்தியுள்ளது. பல் சிகிச்சை செய்ததில் ஒரு பல் தளர்வாக விடப்பட்டதாக ஏற்பட்ட புகாரே இந்த விபரீதக் கொலைக்குக் காரணம் என்று விசாரணையில் தெரியவந்துள்ளது.

இக்கொடூரக் கொலையைச் செய்த அமெரிக்கக் குடியுரிமை பெற்ற 30 வயதுடைய எர்னஸ்ட் அல்லது எர்னஸ்டோ ‘N’ என்ற நபரை, இரண்டு நாட்களுக்குப் பிறகு அகுவா பிரீட்டா பகுதியில் பாதுகாப்புப் படையினர் கண்டுபிடித்தனர். அவரைப் பிடிக்க முயன்றபோது, அந்த நபர் பாதுகாப்புப் படையினரை நோக்கிச் சரமாரியாகத் துப்பாக்கிச் சூடு நடத்தியதால் ஏற்பட்ட மோதலில் அவர் சுட்டுக் கொல்லப்பட்டார். இந்தத் துப்பாக்கிச் சண்டையில் காயமடைந்த இரண்டு காவல் அதிகாரிகள் தற்போது ஆபத்தான கட்டத்தைத் தாண்டி நலமாக உள்ளதாகத் தெரிவிக்கப்பட்டுள்ளது. சட்டப்பூர்வமாகத் தீர்க்கப்பட்டிருக்க வேண்டிய ஒரு மருத்துவப் புகார், ஒரு மருத்துவரின் உயிரைப் பறிக்கும் பெரும் துயரத்தில் முடிந்துள்ளது ஒட்டுமொத்த மருத்துவ உலகையும் உலுக்கியுள்ளது.