பயங்கர ஷாக்..! ஒரு வயது குழந்தை கடத்தல்.. தவெக நிர்வாகி உட்பட 5 பேர் அதிரடி கைது.. வேலூர் சிறையில் அடைப்பு..!!

ராணிப்பேட்டை அருகே சாலையோரத்தில் பெற்றோருடன் உறங்கிக் கொண்டிருந்த ஒரு வயது பெண் குழந்தை கடத்தப்பட்ட சம்பவம் பெரும் பரபரப்பை ஏற்படுத்தியுள்ளது. இக்குற்றச்சம்பவம் தொடர்பாக தமிழக வெற்றிக் கழகத்தின் (தவெக) நிர்வாகியும், கார் ஓட்டுநருமான சந்தோஷ் உட்பட 5 பேரை காவல்துறையினர் தீவிர விசாரணைக்குப் பின் கைது செய்துள்ளனர். கைது செய்யப்பட்ட அனைவரும் நீதிமன்றக் காவலில் வேலூர் மத்திய சிறையில் அடைக்கப்பட்டுள்ளனர்.

சாலையோரங்களில் வசிக்கும் ஏழை எளிய மக்களின் பாதுகாப்பை கேள்விக்குறியாக்கும் வகையில் இந்த துணிகரக் கடத்தல் அரங்கேறியுள்ளது. நள்ளிரவில் பெற்றோரின் அருகில் தூங்கிக் கொண்டிருந்த குழந்தையைத் திட்டமிட்டு கடத்திய இந்தக் கும்பலின் பின்னணி குறித்தும், இதில் வேறு யாருக்கும் தொடர்பு உள்ளதா என்பது குறித்தும் போலீசார் தீவிரமாக விசாரித்து வருகின்றனர். கடத்தப்பட்ட குழந்தை பத்திரமாக மீட்கப்பட்டு பெற்றோரிடம் ஒப்படைக்கப்பட்டுள்ளதாகத் தெரிகிறது.

தமிழகத்தில் சமீபகாலமாக குழந்தைகள் காணாமல் போகும் மற்றும் கடத்தப்படும் சம்பவங்கள் தொடர்ந்து அதிகரித்து வருவது பொதுமக்களிடையே பெரும் கவலையையும் அச்சத்தையும் ஏற்படுத்தியுள்ளது. குறிப்பாக, அரசியல் கட்சிப் பொறுப்பில் இருக்கும் ஒருவரே இது போன்ற கடத்தல் வழக்கில் கைது செய்யப்பட்டிருப்பது அதிர்ச்சியை கூட்டியுள்ளது. இத்தகைய குற்றங்களைத் தடுக்க சாலையோரப் பகுதிகளில் போலீஸ் ரோந்துப் பணிகளை தீவிரப்படுத்த வேண்டும் என்றும், குற்றவாளிகளுக்கு கடுமையான தண்டனை வழங்கப்பட வேண்டும் என்றும் சமூக ஆர்வலர்கள் கோரிக்கை விடுத்துள்ளனர்.