காலையிலேயே EPS தலையில் விழுந்த இடி… தவெகவில் இணைந்த அதிமுக முக்கிய புள்ளி… அதிர்ச்சியில் அரசியல் வட்டாரம்..!!

அதிமுக முன்னாள் நாடாளுமன்ற உறுப்பினர் எம். உதயகுமார், முன்னாள் சட்டமன்ற உறுப்பினர்கள் கே.எஸ். சீனிவாசன் மற்றும் டாக்டர் ஜி.ஆர். மாலா ஆகியோர் தங்களது ஆதரவாளர்களுடன் சனிக்கிழமையன்று சென்னை பனையூரில் உள்ள தமிழக வெற்றி கழக தலைமையகத்தில் அதிகாரப்பூர்வமாக இணைந்தனர். தவெக பொதுச்செயலாளரும் அமைச்சருமான என். ஆனந்த் தலைமையில் நடைபெற்ற இந்த உறுப்பினர் சேர்க்கை முகாமில், அதிமுக மற்றும் இதர மாற்றுக்கட்சிகளைச் சேர்ந்த ஆயிரத்திற்கும் மேற்பட்ட முக்கிய நிர்வாகிகள் மற்றும் தொண்டர்கள் தங்களை அக்கட்சியில் இணைத்துக் கொண்டனர். புதிய உறுப்பினர்களை வரவேற்றுப் பேசிய தவெக தலைமை, புதியதாக இணைந்த நிர்வாகிகளுக்கு விரைவில் கட்சிப் பதவிகள் முறைப்படி அறிவிக்கப்படும் என்று உறுதியளித்துள்ளது.

தமிழ்நாட்டில் வரவிருக்கும் உள்ளாட்சித் தேர்தல் மற்றும் இடைத்தேர்தல்களைக் கருத்தில் கொண்டு, தவெக தலைமை தங்களது களப் பணிகளையும் உறுப்பினர் சேர்க்கையையும் தீவிரப்படுத்தியுள்ளது. ஒவ்வொரு வாரமும் சனிக்கிழமைகளில் மாற்றுக்கட்சியினர் தவெகவில் இணையும் நிகழ்வுகள் தொடர்ச்சியாக ஒருங்கிணைக்கப்பட்டு வருகின்றன. குறிப்பாக, முக்கிய பிரமுகர்களின் இந்த தொடர் வருகை கட்சியின் அடிமட்ட கட்டமைப்பை வலுப்படுத்த உதவும் என தவெகவினர் நம்புகின்றனர். அதே நேரத்தில், அடுத்தடுத்து மூத்த தலைவர்கள் மற்றும் முன்னாள் மக்கள் பிரதிநிதிகள் தவெகவை நோக்கி நகர்வது அதிமுக உள்ளிட்ட எதிர்க்கட்சிகளுக்கு பெரும் அரசியல் பின்னடைவாகப் பார்க்கப்படுகிறது.