LATEST NEWS
“விஜய் CM ஆனதும் தான் கல்யாணம்..” தாய்க்கு கொடுத்த சத்தியத்தை நிறைவேற்றும் அமைச்சர் வினோத்: வைரலாகும் எமோஷனல் பிளாஷ்பேக்..!!
தமிழக வெற்றிக் கழகத்தின் முக்கிய நிர்வாகிகளில் ஒருவரான வினோத், தனியார் தொலைக்காட்சி நிகழ்ச்சி ஒன்றில் பங்கேற்ற போது தனக்கு ஏன் இன்னும் திருமணம் ஆகவில்லை என்பது குறித்து முதல்முறையாக மனம் திறந்து பேசியுள்ளார். கட்சிப் பணிகள் மற்றும் அரசியல் இலக்குகள் காரணமாகவே தனது திருமணம் தள்ளிப்போனதாக அவர் அந்த நேர்காணலில் விளக்கமளித்துள்ளார்.
சுமார் இரண்டு ஆண்டுகளுக்கு முன்பாகவே தனக்குத் திருமண ஏற்பாடுகள் தீவிரமாக நடைபெற்றதாக வினோத் குறிப்பிட்டுள்ளார். ஆனால், அதே காலகட்டத்தில்தான் நடிகர் விஜய் ‘தமிழக வெற்றிக் கழகம்’ கட்சியைத் தொடங்கி, வினோத்திற்கு மாவட்டச் செயலாளர் பதவியையும் வழங்கியுள்ளார். இதனால் கட்சிப் பணிகளுக்கு முன்னுரிமை கொடுக்க வேண்டிய சூழல் ஏற்பட்டதால், தனது தாயாரிடம் ஒரு முக்கிய சத்தியத்தை அவர் முன்வைத்துள்ளார்.
“தலைவர் விஜய் அவர்கள் தமிழகத்தின் முதலமைச்சராக ஆன பிறகுதான் நான் திருமணம் செய்து கொள்வேன்” என்று தனது தாயிடம் உறுதியளித்ததாக வினோத் நெகிழ்ச்சியுடன் தெரிவித்துள்ளார். தற்போது விஜய் தமிழகத்தின் முதல்வராகிவிட்டதால், அவரது திருக்கரங்களால் தாலியை எடுத்துக் கொடுக்க வைத்தே தான் மிக விரைவில் திருமணம் செய்துகொள்ளப் போவதாக வினோத் மகிழ்ச்சியுடன் அறிவித்துள்ளார்.
