“சார் என் தம்பிய கொன்னுட்டேன்..” சொந்த சகோதரனையே சுட்டு கொன்ற கொடூரம்.. துப்பாக்கியுடன் போலீஸ் ஸ்டேஷனில் சரணடைந்த அண்ணன்..! சொத்துக்காக நடந்த பகீர் சம்பவம்..!!

பீகார் மாநிலம் வைஷாலி மாவட்டத்தில் உள்ள கர்தஹா காவல் நிலையத்திற்குட்பட்ட தனுஷி கிராமத்தில், நிலம் மற்றும் வீடு தொடர்பான தகராறு காரணமாக ஒரு மூத்த சகோதரர் தனது சொந்த தம்பியை சுட்டுக் கொன்ற சம்பவம் பெரும் அதிர்ச்சியை ஏற்படுத்தியுள்ளது. உயிரிழந்தவர் சோமநாத் சிங் என அடையாளம் காணப்பட்டுள்ளார். கொலை செய்த அவரது மூத்த சகோதரர் சுரேஷ் பிரசாத் சிங் ராணுவத்தில் முன்னாள் வீரர் ஆவார். இந்த கொடூரச் செயலுக்குப் பிறகு, குற்றவாளி கையில் துப்பாக்கியுடன் மாவட்ட காவல் கண்காணிப்பாளர் அலுவலகத்திற்குச் சென்று சரண் அடைந்தார். இந்த வழக்கில் காவல்துறையினர் குற்றவாளியின் மனைவியையும் கைது செய்துள்ளனர்.

சுரேஷ் சிங்கும் சோமநாத் சிங்கும் ஒரே வீட்டில்தான் வசித்து வந்தனர்; ஆனால் அவர்களது மற்றொரு சகோதரரான கிருஷ்ணா சிங் தனி வீட்டில் வசித்து வந்தார். சொத்து மற்றும் வீடு தொடர்பாக இருவருக்கும் இடையே நீண்ட காலமாக தகராறு நிலவி வந்தது. இந்த பிரச்சினையைத் தீர்க்க கிராமத்தில் பல முறை பஞ்சாயத்தும் கூட்டப்பட்டது, இருப்பினும் இரு சகோதரர்களுக்கும் இடையே எந்தவித உடன்பாடும் எட்டப்படவில்லை. இந்நிலையில், இந்த பழைய மோதல் முற்றி வன்முறையாக மாறியதுடன், துப்பாக்கிச் சூடு சம்பவத்தில் சோமநாத் சிங் பரிதாபமாக உயிரிழந்தார். இதனால் அப்பகுதியில் பெரும் பரபரப்பு ஏற்பட்டது.

சம்பவம் குறித்து தகவல் அறிந்ததும் போலீசார் உடனடியாக விரைந்து வந்து விசாரணையைத் தொடங்கினர். சம்பவ இடத்திலிருந்து ஐந்து தோட்டாக்கள் பறிமுதல் செய்யப்பட்டுள்ள நிலையில், உயிரிழந்தவரின் உடலில் இரண்டு காயங்கள் பதிவாகியுள்ளன. முதற்கட்டத் தகவல்களின்படி, இந்த கொலையில் பயன்படுத்தப்பட்ட துப்பாக்கி உரிமம் பெற்றது எனக் கூறப்படுகிறது. தற்போது போலீசார் உடலைக் கைப்பற்றி பிரேத பரிசோதனைக்காக ஹாஜிப்பூர் சதர் மருத்துவமனைக்கு அனுப்பும் பணியில் ஈடுபட்டுள்ளனர்டன், சம்பவம் தொடர்பான அனைத்து கோணங்களிலும் தீவிர விசாரணை நடத்தி வருகின்றனர்.