“உங்கள கெஞ்சி கேட்கிறோம் விஜய் அண்ணா.. எங்க குழந்தைய காப்பாத்திக் கொடுங்கண்ணா” வீதி வீதியாக நிதி திரட்டும் பெற்றோரின் கண்ணீர் கோரிக்கை..!!

அரிய வகை மரபணு நோயால் பாதிக்கப்பட்டுள்ள தங்களின் குழந்தையைக் காப்பாற்றக் கோரி, பெற்றோர் சிலர் வீதி வீதியாக நின்று பொதுமக்களிடம் நிதி திரட்டி வரும் நெஞ்சை உருக்கும் சம்பவம் தமிழகத்தில் பெரும் சோகத்தை ஏற்படுத்தியுள்ளது. தங்களின் குழந்தையின் மருத்துவச் செலவுக்குப் போதிய வசதியின்றித் தவிக்கும் அந்த ஏழைப் பெற்றோர், முதலமைச்சர் விஜய்க்கு தங்களின் குழந்தையைக் காப்பாற்றுமாறு கண்ணீர் மல்க அவசரக் கோரிக்கை ஒன்றை விடுத்துள்ளனர்.

ஏற்கனவே இதே போன்ற அரிய வகை நோயால் பாதிக்கப்பட்ட மற்றொரு குழந்தைக்கு முதலமைச்சர் விஜய் நிதியுதவி மற்றும் மருத்துவ உதவிகளை அறிவித்திருந்ததை அந்தப் பெற்றோர் தங்களின் கோரிக்கையில் சுட்டிக்காட்டியுள்ளனர். “அந்த பாப்பாக்கு ஹெல்ப் பண்றேன்னு சொல்லிருந்தீங்க.. எங்க குழந்தைக்கும் அதே பிரச்சனை தான் விஜய் அண்ணா.. உங்களை கெஞ்சி கேட்கிறோம்.. அந்த ஊசியை வரவச்சி என் குழந்தையை காப்பாத்தி கொடுங்கண்ணா..” என்று முதலமைச்சரை நோக்கி அவர்கள் உருக்கமாகக் கதறியுள்ளனர்.

இந்த அரிய வகை நோய்க்கான கோடிக்கணக்கான ரூபாய் மதிப்புள்ள உயிர்காக்கும் மருந்து மற்றும் ஊசியை வெளிநாட்டிலிருந்து வரவழைக்க அரசின் உதவி தங்களுக்குக் கட்டாயம் தேவை என்று அவர்கள் வலியுறுத்தியுள்ளனர். பெற்றோர்கள் கண்ணீருடன் வீதியில் நின்று முதலமைச்சர் விஜய்யின் உதவியை நாடியுள்ள இந்தச் சம்பவம், தற்போது சமூக வலைத்தளங்களில் வைரலாகிப் பெரும் பரிதாபத்தையும், அரசின் உடனடி கவனத்திற்கான எதிர்பார்ப்பையும் ஏற்படுத்தியுள்ளது.