உங்க தோல்விக்குக் காரணம் இன்ஸ்டாகிராமா? வாக்குப்பதிவு இயந்திரமா..? உங்களை நீங்களே சுயபரிசோதனை செஞ்சி பாருங்க… ரகுபதிக்கு நெற்றிப்பொட்டில் பதிலடி கொடுத்த அமைச்சர் ராஜ்மோகன்..!!

“தேர்தல் தோல்விக்குக் காரணம் இன்ஸ்டாகிராமா அல்லது வாக்குப்பதிவு இயந்திரமா என்று மற்றவர்கள் மீது பழி சுமத்தாமல், உங்களை நீங்களே சுயபரிசோதனை செய்து பாருங்கள்” என்று அமைச்சர் ராஜ்மோகன் எதிர்க்கட்சியினருக்குக் கடுமையான பதிலடி கொடுத்துள்ளார். தமிழகச் சட்டமன்றக் கூட்டத்தொடரில் திமுக உறுப்பினர்களின் விமர்சனங்களுக்குப் பதிலளித்துப் பேசிய அவர், தங்களது தோல்விக்கான காரணங்களை ஆராயாமல் பொதுவெளியில் வீண் வதந்திகளைப் பரப்புவது முறையல்ல என்று சுட்டிக்காட்டினார்

முன்னாள் அமைச்சர்களான ரகுபதி மற்றும் தங்கம் தென்னரசுவின் கருத்துகளை நேரடியாக மேற்கோள் காட்டிப் பேசிய அமைச்சர் ராஜ்மோகன், அவர்கள் தங்களைச் சீராய்வு செய்து கொள்வதுதான் அவர்களின் வருங்கால அரசியலுக்கு நல்லது என்று அறிவுறுத்தினார். மேலும், எந்தவொரு ஆதாரமும் இல்லாமல் சமூக ஊடகங்கள் மற்றும் பொதுத் தளங்களில் கிடைக்கக்கூடிய மேலோட்டமான தகவல்களை மட்டும் வைத்துக் கொண்டு, சட்டமன்றம் போன்ற பொறுப்பான இடங்களில் பேசுவது ஆரோக்கியமான அரசியல் மரபு அல்ல என்றும் அவர் தனது உரையில் திட்டவட்டமாகக் குறிப்பிட்டுள்ளார்.