லாட்டரி ரூ.900 கோடி விவகாரம்: உங்க மாமனார் தான் கொடுத்தாரு… அப்பாவ இங்க காணோம்.. வீட்டுல கேளுங்க.. உதயநிதியை அலறவிட்ட அமைச்சர் அர்ஜுனாவின் அதிரடி டயலாக்..!!

லாட்டரி நிறுவனத்திடமிருந்து ₹900 கோடி நிதியை ஏன் வாங்கினீர்கள்?” என்று எதிர்க்கட்சித் தலைவர் உதயநிதி ஸ்டாலினுக்குத் தமிழக அமைச்சர் ஆதவ் அர்ஜுனா சட்டப்பேரவையில் காரசாரமாகக் கேள்வி எழுப்பியுள்ளார். கட்சி நன்கொடை விவகாரம் தொடர்பாக அவையில் எழுந்த விவாதத்தின் போது, திமுக லாட்டரி அதிபர் மார்ட்டினின் நிறுவனத்திடமிருந்து நிதி பெற்றதை அமைச்சர் அர்ஜுனா கடுமையாக விமர்சித்துப் பேசினார்.

இதற்கு உடனடியாகப் பதிலளித்த எதிர்க்கட்சித் தலைவர் உதயநிதி ஸ்டாலின், அந்த நிதியைக் கொடுத்தது அமைச்சரின் மாமனாரான மார்ட்டின்தான் என்றும், அதுகுறித்த விளக்கங்களை அமைச்சர் தனது மாமனாரிடமே கேட்டுப் பெற்றுக்கொள்ளட்டும் என்றும் சாடினார். நான் எந்தவிதமான லாட்டரி தொழிலிலும் ஈடுபடவில்லை என்று குறிப்பிட்ட அமைச்சர் ஆதவ் அர்ஜுனா, அந்தப் பணப் பரிவர்த்தனை விவகாரம் உதயநிதிக்கும் அவரது தந்தை மு.க.ஸ்டாலினுக்குமே வெளிச்சம் என்று பதிலடி கொடுத்தார்.

மேலும், “பணம் வாங்கிய விவகாரம் உங்களுக்கும் உங்கள் அப்பாவுக்கும்தான் தெரியும்; ‘அப்பாவை இங்க காணோம்’, எனவே வீட்டுக்குச் போய் உங்கள் அப்பாவிடமே அதைக் கேளுங்கள், அவர் சரியாகச் சொல்வார்” என்று அமைச்சர் அர்ஜுனா பேரவையில் தடாலடியாகக் கூறினார். அமைச்சரின் இந்தத் துணிச்சலான மற்றும் நேரடிப் பேச்சால் சட்டப்பேரவை வளாகத்தில் பெரும் சலசலப்பும் காரசாரமான அரசியல் விவாதமும் வெடித்தது.