“ஆம்புலன்ஸ் ஓட்டுநர்களுக்கு ஷாக் நியூஸ்..!” 10 நிமிடக் கெடுவை மீறினால் பாயும் அபராதம்… அதிரடியில் இறங்கிய தேசிய நெடுஞ்சாலை ஆணையம்..!!

தேசிய நெடுஞ்சாலைகளில் விபத்துகள் நிகழும் போது மீட்புப் பணிகளைத் தீவிரப்படுத்தும் வகையில், சம்பவ இடத்திற்கு ஆம்புலன்ஸ்கள் 10 நிமிடங்களுக்குள் சென்றடையத் தவறினாலும், பாதிக்கப்பட்ட நபரை அதிமுக்கியமான ஒரு மணி நேரத்திற்குள் மருத்துவமனைக்குக் கொண்டு சேர்க்கத் தவறினாலும் ஒப்பந்ததாரர்களுக்கு 10,000 ரூபாய் அபராதம் விதிக்கப்படும் என இந்திய தேசிய நெடுஞ்சாலை ஆணையம் கடுமையான புதிய விதிமுறைகளை வெளியிட்டுள்ளது; நாடு முழுவதும் உள்ள சுமார் 3,000 ஆம்புலன்ஸ்கள், 1,000 கிரேன்கள் மற்றும் ரோந்து வாகனங்களின் சேவை நிலை ஒப்பந்தங்களை மேலும் இறுக்கமாக்கியுள்ள இந்நிறுவனம், விபத்து நிகழ்விடத் தகவல்களைத் துரிதமாகப் பரிமாறவும் மீட்பு நடவடிக்கைகளைக் கண்காணிக்கவும் அனைத்து வாகனங்களிலும் ஜிபிஎஸ் மற்றும் ‘NHAI கேர்’ செயலியை இயக்குவது கட்டாயமாக்கப்பட்டுள்ளது.

இந்தத் திருத்தப்பட்ட புதிய விதிமுறைகளின்படி, வாகனங்களில் பொருத்தப்பட்டுள்ள ஜிபிஎஸ் கருவி வேலை செய்யாவிட்டாலோ அல்லது ஒரு நாளில் ஒரு சதவீதத்திற்கும் அதிகமான நேரம் ‘NHAI கேர்’ செயலி செயல்பாடில்லாமல் இருந்தாலோ 2,500 ரூபாய் வரை அபராதம் விதிக்கப்படும் என்று எச்சரிக்கப்பட்டுள்ளது; நெடுஞ்சாலைகளில் அவசர கால மீட்புப் பணிகளின் தரத்தை உயர்த்துவதையும், விபத்துகளில் சிக்குவோருக்கு உடனடி மருத்துவ உதவியை உறுதி செய்வதையும் நோக்கமாகக் கொண்டு அமல்படுத்தப்பட்டுள்ள இந்த அதிரடி நடவடிக்கைகள் பொதுமக்களிடையே பெரும் வரவேற்பைப் பெற்றுள்ளன.