“அடேங்கப்பா..! 26 வயதில் இத்தனை கின்னஸ் சாதனைகளா..?” இனி மெஸ்ஸி, ரொனால்டோ சகாப்தம் ஓவர்.. கால்பந்து உலகை உலுக்கும் ‘கோல் மெஷின்’..!!

கால்பந்து உலகின் புதிய சக்கரவர்த்தியாக உருவெடுத்துள்ள மான்செஸ்டர் சிட்டி அணியின் கோல் மெஷின் எர்லிங் ஹாலண்ட், மெஸ்ஸி மற்றும் ரோனால்டோவின் சகாப்தத்திற்குப் பின் சர்வதேச அளவில் யாரும் நினைத்துக்கூடப் பார்க்காத இமாலய சாதனையைப் படைத்துள்ளார். தனது அசாத்தியமான மற்றும் மின்னல் வேக கோல் அடிக்கும் திறமையால் ஒரே சீசனில் அதிக கோல்களைக் குவித்தது மற்றும் மிகக் குறைந்த போட்டிகளில் 100 கோல்களைக் கடந்த சாதனை உள்ளிட்ட நான்கு கின்னஸ் உலக சாதனைகளை ஒரே கல்லில் தகர்த்தெறிந்துள்ளார். உலகையே மிரள வைத்துள்ள இந்த இளம் நட்சத்திர வீரருக்கு, மான்செஸ்டர் நகரில் உள்ள எதிஹாட் மைதானத்தில் இதற்கான அதிகாரப்பூர்வ கின்னஸ் சான்றிதழ்கள் வழங்கி கவுரவிக்கப்பட்டுள்ளதுடன், கால்பந்து வரலாற்றில் புதியதொரு சகாப்தமும் இதன் மூலம் உறுதியாகியுள்ளது.

நார்வேயைப் பூர்வீகமாகக் கொண்ட முன்னாள் கால்பந்து வீரர் அல்பி ஹாலண்டின் மகனான எர்லிங் ஹாலண்ட், இங்கிலாந்தின் லீட்ஸ் நகரில் பிறந்தவர் ஆவார். மான்செஸ்டர் சிட்டி மற்றும் நார்வே தேசிய அணிக்காக ஆடிவரும் இவருக்கு கால்பந்து உலகில் “கோல் மெஷின்” மற்றும் “வைக்கிங்” என்ற புனைபெயர்களும் உண்டு. UEFA தொடர்களில் மெஸ்ஸியின் சாதனையைச் சமன் செய்துள்ள இந்த இளம் வீரரின் தொடர்ச்சியான சாதனைகள், உலகெங்கிலும் உள்ள கால்பந்து ரசிகர்களை வியப்பில் ஆழ்த்தியுள்ளதுடன், கால்பந்து வரலாற்றில் புதிய உச்சங்களைத் தொட்டு வருகிறது.