“திக் திக் திக்.. !” வெள்ளத்தில் மிதக்கும் தெருக்கள்.. சுதந்திரமாக உலா வரும் ராட்சத பாம்புகள்.. பீதியில் உறைந்த பொதுமக்கள்.. வைரலாகும் அதிர்ச்சி காட்சிகள்..!!

தாய்லாந்தில் சமீபத்தில் பெய்த கனமழை மற்றும் பெருவெள்ளம் காரணமாக, அங்குள்ள குடியிருப்புப் பகுதிகளில் வெள்ள நீர் சூழ்ந்துள்ள நிலையில், பிரம்மாண்டமான பாம்புகள் தெருக்களில் சுதந்திரமாக உலா வரும் அதிர்ச்சியூட்டும் வீடியோ காட்சிகள் வெளியாகி பரபரப்பை ஏற்படுத்தியுள்ளன. கடுமையான காட்டாற்று வெள்ளம் மற்றும் நீர்வரத்து காரணமாக, இந்த ஊர்வன உயிரினங்கள் தங்களின் இயற்கை வசிப்பிடங்கள் மற்றும் நிலத்தடி நீர் வடிகால் அமைப்புகளில் இருந்து அடித்து வரப்பட்டு, மனிதர்கள் வாழும் பகுதிகளுக்குள் ஊடுருவியுள்ளன.

வெள்ள நீரில் ராட்சத பாம்புகள் நீந்திச் செல்லும் இந்த பதைபதைக்க வைக்கும் காட்சிகள் சமூக ஊடகங்களில் வேகமாகப் பரவி, உலகளவில் பலரையும் வியப்பிலும் அதிர்ச்சியிலும் ஆழ்த்தியுள்ளன. குடியிருப்புகளுக்குள் புகுந்துள்ள ஆபத்தான விஷப்பாம்புகள் மற்றும் ராட்சத மலைப்பாம்புகளால் பொதுமக்களின் பாதுகாப்பு கேள்விக்குறியாகியுள்ளதால், தாய்லாந்து மீட்புக்குழுவினர் மற்றும் வனத்துறையினர் குடியிருப்புப் பகுதிகளில் தீவிர கண்காணிப்பில் ஈடுபட்டு பாம்புகளைப் பிடிக்கும் பணிகளை முடுக்கிவிட்டுள்ளனர்.