“பெண் நடிகைகளுக்கு இதெல்லாம் கிடைப்பது கஷ்டம்….” சினிமா ரகசியத்தை உடைத்த மில்கி பியூட்டி தமன்னா…!!

நடிகை தமன்னா, டெல்லியில் நடைபெற்ற ஒரு விழாவில் தனது நெகிழ்ச்சியான அனுபவங்களைப் பகிர்ந்து கொண்டார். சினிமாவில் கால் பதித்து 21 ஆண்டுகள் நிறைவடைந்துவிட்ட போதிலும், ஒவ்வொரு புதிய படத்தையும் தனது முதல் படமாகவே கருதுவதாகவும், இன்றும் ஒரு புதுமுக நடிகையின் உற்சாகத்துடனேயே பணியாற்றுவதாகவும் அவர் தெரிவித்தார். பொதுவாகத் திரையுலகில் பெண் நடிகைகள் இத்தனை நீண்ட காலம் நிலைத்து நின்று, அதே வரவேற்பைப் பெறுவது மிகவும் சவாலானது என்றும், தனக்குக் கிடைத்திருக்கும் இந்தத் தொடர் வாய்ப்புகள் மிகவும் அரிதானவை என்றும் அவர் நெகிழ்ச்சியுடன் குறிப்பிட்டார்.

தென்னிந்திய சினிமாவில் தனக்குக் கிடைத்த அமோக ஆதரவைப் போலவே, தற்போது இந்தியா முழுவதும் உள்ள ரசிகர்கள் காட்டும் அன்பு பெரும் வியப்பைத் தருவதாகத் தமன்னா கூறினார். முன்னணி நடிகர்களுடன் இணைந்து நடிப்பது மட்டுமன்றி, பிரத்யேகப் பாடல்கள் மூலமும் இளசுகளைக் கவர்ந்து வரும் இவர், தற்போது ‘புருஷன்’ என்ற திரைப்படத்தில் பிஸியாக நடித்து வருகிறார். ரசிகர்களின் இந்த நீங்காத அன்பிற்குத் தான் என்றென்றும் கடமைப்பட்டிருப்பதாகவும், தனது சிறப்பான நடிப்பின் மூலம் அவர்களுக்கு அந்த அன்பைத் திரும்பச் செலுத்த விரும்புவதாகவும் அவர் தனது உரையில் உருக்கமாகத் தெரிவித்தார்.