LATEST NEWS
“சிறு தீப்பொறி பட்டாலும் அவ்வளவு தான்..” 40,000 லிட்டர் எத்தனால் ஏற்றிச் சென்ற டேங்கர் லாரி கவிழ்ந்து விபத்து.. கோவை புறவழிச்சாலையில் உச்சகட்டப் பதற்றம்..!!
தமிழ்நாட்டின் கோயம்புத்தூர் மாவட்டம் நீலாம்பூர் புறவழிச்சாலையில் உள்ள சேலம் – கொச்சி தேசிய நெடுஞ்சாலையில், சுமார் 40,000 லிட்டர் எத்தனால் ஏற்றிச் சென்ற டேங்கர் லாரி கவிழ்ந்து விபத்துக்குள்ளான சம்பவம் பெரும் பரபரப்பை ஏற்படுத்தியுள்ளது. அதிகளவில் எளிதில் தீப்பற்றக்கூடிய எத்தனால் திரவத்துடன் சென்ற அந்த டேங்கர் லாரி, எதிர்பாராத விதமாகச் சாலையில் கவிழ்ந்ததால் அப்பகுதியில் சிறிது நேரம் போக்குவரத்து பாதிக்கப்பட்டுப் பதற்றம் நிலவியது.
விபத்து குறித்த தகவல் அறிந்ததும் தீயணைப்பு மற்றும் மீட்புப் படையினர் உடனடியாகச் சம்பவ இடத்திற்கு விரைந்து வந்து தீவிர முன்னெச்சரிக்கை நடவடிக்கைகளை மேற்கொண்டனர். கவிழ்ந்த லாரியில் இருந்து எத்தனால் கசிந்து தீ விபத்துகளோ அல்லது வேறு எந்த அசம்பாவிதங்களோ ஏற்படாமல் தடுக்கும் வகையில், பாதுகாப்பு வளையம் அமைக்கப்பட்டு தீயணைப்பு வீரர்கள் முழு உஷார் நிலையில் கண்காணிப்புப் பணியில் ஈடுபட்டுள்ளனர்.
