“இது அரசியல் அல்ல, என் காதல் பயணம்..” சோனியா காந்தியின் அந்த ரகசிய காதல் கதை வைரல்..! இணையத்தை அதிரவைக்கும் ‘Belonging’ புத்தகம்..!!

காங்கிரஸ் நாடாளுமன்றக் குழுத் தலைவர் சோனியா காந்தியின் தன்வரலாற்று நூலான ‘பிலாங்கிங்: எ ஜர்னி ஆஃப் லவ்’ வெளியானதுமே சமூக வலைதளங்களில் மிக வேகமாக டிரெண்டாகி வருகிறது. இப்புத்தகத்தில், அவரது இத்தாலியச் சிறுவயது காலம் முதல் இந்தியாவுக்கு வந்தது, ராஜீவ் காந்தியுடனான திருமணம், குடும்ப வாழ்க்கை மற்றும் அரசியல் பயணம் வரையிலான பல வெளிப்படையான தகவல்கள் விவரிக்கப்பட்டுள்ளன. குறிப்பாக, கேம்பிரிட்ஜில் உள்ள ஒரு சிறிய கிரேக்க உணவகத்தில் அவருக்கும் ராஜீவ் காந்திக்கும் இடையே நடந்த முதல் சந்திப்பு தொடர்பான காணொளி சமூக வலைதளங்களில் வைரலாகி, மக்களை நெகிழ்ச்சியடையச் செய்துள்ளது. இந்த நூலின் மூலம் சோனியா காந்தி தனது முதல் இன்ஸ்டாகிராம் பதிவையும் வெளியிட்டுள்ளார்; அதில் அவரது முதல் பதிவிற்கு சில மணி நேரங்களிலேயே லட்சக்கணக்கான லைக்குகளும் மிகப்பெரிய வரவேற்பும் கிடைத்துள்ளது.

இந்த நூல் வெளியானதைத் தொடர்ந்து, ஒருபுறம் அவரது ஆதரவாளர்கள் அவரை ‘இரும்புப் பெண்மணி’ என்று அழைத்து, அவரது தைரியம், மாண்பு மற்றும் தியாகத்தைப் பாராட்டி வருகின்றனர்; மறுபுறம் அரசியல் வட்டாரங்களிலும் இதன் தாக்கம் தீவிரமடைந்துள்ளது. இது தனிப்பட்ட கதையை விட அரசியல் ரீதியாகத் திட்டமிடப்பட்டது என்று பாஜக தரப்பில் விமர்சிக்கப்பட்டுள்ளது. நெஹ்ரு-காந்தி குடும்பத்தின் வரலாற்றுத் தவறுகளையும் முடிவுகளையும் மூடி மறைக்க முயல்வதாக எதிர்க்கட்சியினர் குற்றம்சாட்டியுள்ளனர். மேலும், அவசர நிலை, பாபர் மசூதி இடிப்பு நிகழ்வுகள் மற்றும் 2004-ல் பிரதமர் பதவியை ஏற்க மறுத்தது தொடர்பான தகவல்கள் அரசியல் தலைவர்கள் மத்தியில் கடுமையான விவாதங்களை ஏற்படுத்தியுள்ளன.

இது அரசியல் சார்ந்த புத்தகம் அல்ல, மாறாக தனது மிகத் தனிப்பட்ட பயணம் என்று சோனியா காந்தி ஏற்கனவே தெளிவுபடுத்தியுள்ளார். இந்தத் தன்வரலாற்று நூலை அவர் தனது பிள்ளைகளான ராகுல் மற்றும் பிரியங்காவுக்கும், தனது பேரக்குழந்தைகளுக்கும் அர்ப்பணித்துள்ளார். வெளியீட்டுக்கு முன்பே வாசகர்களின் கவனத்தை ஈர்த்துள்ள இந்த நூல், ஒரு அழகான காதல் கதையாகவும் தன்வரலாறாகவும் வாசகர்களால் எவ்வாறு ஏற்றுக்கொள்ளப்படப் போகிறது என்பதைப் பொறுத்திருந்து பார்க்க வேண்டும்.