பட்டாம்பூச்சி பறக்குதே… சூர்யா – ஜிவி பிரகாஷ் கூட்டணியின் புதிய புரோமோ…சூர்யா ரசிகர்களுக்கு இரட்டை விருந்து…‘கருப்பு’ வெற்றிக்குப் பின் சூர்யா எடுத்த அதிரடி முடிவு…!

தமிழ் சினிமாவின் முன்னணி நட்சத்திர நடிகரான சூர்யா, அண்மையில் வெளியான ‘கருப்பு’ திரைப்படத்தின் மாபெரும் வெற்றியைத் தொடர்ந்து, தற்போது தனது அடுத்தடுத்த படங்களில் தீவிர கவனம் செலுத்தி வருகிறார். அந்த வகையில், ‘வாத்தி’, ‘லக்கி பாஸ்கர்’ போன்ற பிளாக்பஸ்டர் வெற்றிப் படங்களைக் கொடுத்த பிரபல இயக்குநர் வெங்கி அட்லூரி இயக்கத்தில், சூர்யா நடித்துள்ள அவரது 46-வது திரைப்படமான ‘விஸ்வநாத் அண்ட் சன்ஸ்’ (Viswanath & Sons) ரசிகர்களிடையே பெரும் எதிர்பார்ப்பை ஏற்படுத்தியுள்ளது. இப்படத்தை பிரபல தயாரிப்பாளர் நாக வம்சி பிரம்மாண்டமாகத் தயாரித்துள்ளார்.

இத்திரைப்படத்தில் சூர்யாவுக்கு ஜோடியாக, தென்னிந்திய திரையுலகின் தற்போதைய சென்சேஷன் மமிதா பைஜு கதாநாயகியாக நடித்துள்ளார். மேலும், ராதிகா சரத்குமார், ரவீனா டாண்டன், பவானி ஸ்ரீ உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடித்துள்ளனர். ஜி.வி. பிரகாஷ் குமார் இசையமைத்துள்ள இப்படத்திற்கு நிமிஷ் ரவி ஒளிப்பதிவையும், நவீன் நூலி படத்தொகுப்பையும் கையாண்டுள்ளனர். சமீபத்தில் வெளியான இப்படத்தின் டீசர் ரசிகர்களிடம் அமோக வரவேற்பைப் பெற்று படத்தின் மீதான ஹைப்-பை பல மடங்கு உயர்த்தியிருந்தது குறிப்பிடத்தக்கது.

இந்நிலையில், ‘விஸ்வநாத் அண்ட் சன்ஸ்’ திரைப்படம் வரும் ஆகஸ்ட் 14ஆம் தேதி உலகம் முழுவதும் மிகப்பிரம்மாண்டமாகத் திரையரங்குகளில் வெளியாகும் எனப் படக்குழு அதிகாரப்பூர்வமாக அறிவித்துள்ளது. இதன் தொடர்ச்சியாக, படத்தின் முதல் பாடலான ‘பட்டாம்பூச்சி’ பாடலின் புரோமோ வீடியோ தற்போது வெளியாகி இணையத்தில் புயலைக் கிளப்பி வருகிறது. நாளை இப்பாடலின் முழு வடிவம் வெளியாகவுள்ள நிலையில், சூர்யாவின் முந்தைய படங்களின் வெற்றியும், இந்த புதிய கூட்டணியின் வலுவும் சேர்ந்து இப்படத்தை ரசிகர்கள் ஆவலோடு கொண்டாடக் காத்திருக்க வைத்துள்ளன.