அதிர்ச்சி மேல் அதிர்ச்சி.. திருமணம் செய்வதாக ஆசை வார்த்தை கூறி.. பெண் தொழிலதிபருக்கு நேர்ந்த கொடூரம்… அந்தரங்க வீடியோ எடுத்து மிரட்டிய பிரபல வியாபாரி.. பகீர் பின்னணி..!!

மும்பையைச் சேர்ந்த பெண் தொழிலதிபரைத் திருமணம் செய்து கொள்வதாக ஆசை வார்த்தை கூறிப் பாலியல் வன்கொடுமை செய்ததுடன், வணிக ரீதியாகப் பொருட்களை வாங்கி சுமார் 5 கோடி ரூபாய் மோசடி செய்த சம்பவம் பெரும் பரபரப்பை ஏற்படுத்தியுள்ளது. இறக்குமதிப் பொருட்களை விற்பனை செய்யும் தொழில் செய்து வரும் அந்தப் பெண்ணுக்கு, கடந்த 2024-ஆம் ஆண்டு ஜூலை மாதம் ஹைதராபாத்தைச் சேர்ந்த மனிஷ் பாட்டி என்பவருடன் தொழில் ரீதியாக அறிமுகம் ஏற்பட்டுள்ளது. கிரானா வியாபாரிகள் சங்கத்தின் இணைச் செயலாளராக இருக்கும் மனிஷ், ஆரம்பத்தில் வாங்கிய பொருட்களுக்குச் சரியாகப் பணம் செலுத்தி நம்பிக்கையைப் பெற்றுள்ளார். பின்னர், தனது சகோதரர் பவன் பாட்டி உள்ளிட்ட சிலரை அறிமுகப்படுத்தி, அவர்களது நிறுவனங்களின் பெயரில் பெருமளவிலான பொருட்களை வாங்கிவிட்டுப் பணம் கொடுக்காமல் நிலுவையில் வைத்துள்ளார்.

நிலுவைத் தொகையை அந்தப் பெண் கேட்கும்போதெல்லாம், தங்களுக்குள் இருக்கும் காதல் உறவைக் குறிப்பிட்டுத் திருமணம் செய்து கொள்வதாகக் கூறி மனிஷ் அவரை நம்ப வைத்துள்ளார். மேலும், வீடியோ அழைப்புகளின் போது அந்தப் பெண்ணுக்குத் தெரியாமல் அவரது அந்தரங்கப் புகைப்படங்கள் மற்றும் வீடியோக்களை ரகசியமாகப் பதிவு செய்துள்ளார். கடந்த ஆண்டு ஆகஸ்ட் 5-ஆம் தேதி ஹைதராபாத்தில் உள்ள ஒரு ஹோட்டலிலும், பின்னர் செப்டம்பர் 9 மற்றும் 11 ஆகிய தேதிகளிலும் தன்னைப் பாலியல் வன்கொடுமை செய்ததாகப் பாதிக்கப்பட்ட பெண் தெரிவித்துள்ளார். இறுதியாகப் பணத்தைக் கறாராகக் கேட்டபோது, அந்தரங்கப் புகைப்படங்களை வெளியிட்டுவிடுவதாக மனிஷ் மிரட்டியதால், தான் ஏமாற்றப்பட்டதை உணர்ந்த அந்தப் பெண் மும்பையின் மஹிம் காவல் நிலையத்தில் புகார் அளித்தார். அங்கு பதிவு செய்யப்பட்ட ‘ஜீரோ எஃப்.ஐ.ஆர்’ வழக்கு, நவம்பர் 13-ஆம் தேதி ஹைதராபாத் பஞ்சகுட்டா காவல் நிலையத்திற்கு மாற்றப்பட்டு, 5 கோடி ரூபாய்க்கும் அதிகமான மோசடி மற்றும் பாலியல் வன்கொடுமை குறித்து காவல்துறையினர் தீவிர விசாரணை நடத்தி வருகின்றனர்.