“டாக்டர்.. என் கையைத் தச்சு விட்ருங்க..!” துண்டான கையோடு கெஞ்சிய சிறுமி.. கதறி அழுத மருத்துவர்.. இணையத்தை அழவைத்த வீடியோ..!!

பாலஸ்தீனத்தில் உள்ள காசா பகுதியில் போர் ஏற்படுத்தியுள்ள கொடூரங்கள் எந்தவொரு கொடிய கனவையும் மிஞ்சும் வகையில் அரங்கேறி வருகின்றன. அங்குள்ள ஒரு மருத்துவமனையில், குண்டுவெடிப்பில் தனது ஒரு கையை இழந்த 10 வயது பாலஸ்தீனச் சிறுமி ஒருத்திக்குச் சிகிச்சை அளித்த மருத்துவர் ஒருவர், அவளது வலியைக் தாங்க முடியாமல் கண்ணீர் விட்டு அழுத நெஞ்சை உலுக்கும் சம்பவம் வெளிச்சத்திற்கு வந்துள்ளது. அறுவை சிகிச்சைக்குப் பிந்தைய அவளது கடுமையான வலியைக் குறைப்பதற்குக் கூட போதிய மயக்க மருந்துகளோ அல்லது வலி நிவாரணிகளோ அந்த மருத்துவமனையில் இல்லாத காரணத்தால், அந்தச் சிறுமி வலியால் துடிப்பதைக் கண்டு அந்த மருத்துவராலேயே தன் கண்ணீரைக் கட்டுப்படுத்த முடியவில்லை.

யாராலும் கற்பனை செய்து பார்க்க முடியாத பேரதிர்ச்சியாக, அந்தச் சிறுமி குண்டுவெடிப்பின் போது தனது கை துண்டிக்கப்பட்டுத் தரையில் விழுந்ததை தன் கண்களாலேயே பார்த்துள்ளாள். பின்னர், தரையில் கிடந்த தனது கையைத் தானே எடுத்து மருத்துவமனைக்குக் கொண்டு வந்து, “இந்தக் கையை மீண்டும் என்னுடன் சேர்த்துத் தைத்து விடுங்கள்” என்று அங்கிருந்தவர்களிடம் அழுதுகொண்டே கெஞ்சியுள்ளார். போரினால் பாதிக்கப்பட்டுள்ள காசாவின் கோர முகத்தையும், அங்குள்ள மக்களின் அவல நிலையையும் விவரிக்கும் இந்தச் சம்பவம் உலகெங்கும் உள்ள மனித நேயமிக்கவர்களின் இதயங்களை உலுக்கியுள்ளது.