G.O.A.T பெயரை பயன்படுத்தக்கூடாது…. அதிரடி உத்தரவு போட்ட நடிகர் விஜய்…!!

தமிழ் திரையுலகில் மிகவும் முன்னணி நடிகராக வலம் வருபவர் விஜய். இவர் தளபதி விஜய் என்று அழைக்கப்படுகிறார். இவர் தற்போது கோட் படத்தில் பிசியாக இருக்கிறார். இந்த படத்தையடுத்து எச்.வினோத் இயக்கம் தளபதி 69 படத்தில் நடிக்க இருக்கிறார். நடிகர் விஜய் தற்போது அவருடைய 68வது படமான கோட் படத்தில் வெற்றிகரமாக நடித்து முடித்துவிட்டார். படத்திற்கான படப்பிடிப்பு சென்னை, கேரளா, ரஷ்யா என்று பல இடங்களிலும் நடந்தது. தற்போது படத்தின் போஸ்ட் புரொடக்ஷன் பணிகள் நடந்து கொண்டிருக்கிறது. படத்தின் மூன்றாவது சிங்கிள் பாடலும் வெளியானது.

இந்நிலையில் G.O.A.T பெயரை தவெகவினர்  பயன்படுத்தக்கூடாது என்று அக்கட்சியின் தலைவர் விஜய் உத்தரவிட்டுள்ளதாக தகவல் வெளியாகியுள்ளது. இந்த திரைப்படம் செப்டம்பர் 5ஆம் தேதியன்று  வெளியாகிறது. இந்த நிலையில், இந்த திரைப்படத்திற்கு தவெக கட்சியினர் போஸ்டர், பேனர் ஏதேனும் வைத்தால், அதில் தமிழக வெற்றிக்கழகம் என்று பதிவு செய்யாமல், விஜய் மக்கள் இயக்கம் என பயன்படுத்துமாறும் அறிவுறுத்தியுள்ளார். சினிமாவுக்கும், அரசியலுக்கும் வித்தியாசம் காட்டுவதற்காகவே அவர் இவ்வாறு ஆலோசனை வழங்கியதாக கூறப்படுகிறது.