அடடே.. நம்ம தளபதியா இது..? விஐபி கார்.. கருப்பு டிரஸ் செக்யூரிட்டியுடன் உடுப்பி விழாவில் மாஸ் டான்ஸ் ஆடிய CM விஜய்…! சோஷியல் மீடியாவை அலறவிடும் வைரல் வீடியோ..!!

கர்நாடக மாநிலம் உடுப்பியில் நடைபெற்ற விட்லபிண்டி திருவிழாவின் போது, தமிழ் திரையுலகின் முன்னணி நடிகரும் அரசியல் தலைவருமான தளபதி விஜய்யை அப்படியே உரித்து வைத்தது போல் உருவ ஒற்றுமை கொண்ட ஒரு நபர் நடனமாடிய வீடியோக்கள் சமூக வலைதளங்களில் வெளியாகி வைரலாகி, மக்களின் கவனத்தை ஈர்த்துள்ளன. சனிக்கிழமையன்று உடுப்பியில் உள்ள புகழ்பெற்ற ரதபீதி பகுதியில், இந்த விஜய் போலியான நபர் திறந்த வாகனத்தில் பவனி வந்தார். அவருக்கு முன்னதாக கருப்பு சீருடை அணிந்த பாதுகாவலர்களும், கருப்பு நிற காரும் சென்று விஐபி போன்ற தோற்றத்தையும் பாதுகாப்பையும் உருவாக்கின.

விஜய்யின் உருவ அமைப்பை அப்படியே கொண்டிருந்த அந்த நபர், அங்கு திரண்டிருந்த பக்தர்களுடனும் பார்வையாளர்களுடனும் சேர்ந்து மிகுந்த உற்சாகத்துடன் நடனமாடினார். திறந்த வாகனத்தில் நின்றபடி வீதிகளின் இருபுறமும் திரண்டிருந்த மக்களைப் பார்த்து அவர் கைகளை அசைக்க, கூட்டத்தில் இருந்தவர்களும் அவருக்குப் பதிலுக்கு கைகளை அசைத்து வரவேற்பு அளித்தனர். அவரது நடன அசைவுகளும் தோற்றமும் தளபதி விஜய்யைப் போலவே இருந்ததால், அங்கிருந்த மக்கள் பலரும் தங்களின் கைபேசிகளில் அந்தத் தருணத்தைப் படம் பிடித்து மகிழ்ந்தனர்.

இந்தக் காட்சிகள் இணையத்தில் வெளியானதைத் தொடர்ந்து, சமூக வலைதளப் பயனர்கள் பலரையும் ஆச்சரியத்தில் ஆழ்த்தியுள்ளது. சிலர் தளபதி விஜய்யே உடுப்பிக்கு நேரில் வந்துவிட்டாரோ என்று நகைச்சுவையாகக் கருத்து தெரிவிக்க, வேறு சிலரோ இந்த விஜய் போலி நபர் தான் விட்லபிண்டி திருவிழாவின் முக்கிய ஈர்ப்பாக மாறிவிட்டதாகப் பதிவிட்டு வருகின்றனர். கிருஷ்ண ஜெயந்தி கொண்டாட்டங்களின் ஒரு பகுதியாகக் கொண்டாடப்படும் இந்த பாரம்பரிய விட்லபிண்டி திருவிழாவில், விஜய் போன்ற தோற்றம் கொண்ட நபரின் வருகையும் நடனமும் நிகழ்வுக்கு ஒரு தனித்துவமான சிறப்பம்சமாக அமைந்து மக்களைக் கவர்ந்தது.