“அம்மா என்னைக் காப்பாத்து..” பயந்துபோய் தாயை கூப்பிட்ட மகள்.. மருமகனின் ஒரே தள்ளலில் துடிதுடித்து இறந்த 55 வயது தாய்.. பதறவைக்கும் பின்னணி..!!

உத்தரப் பிரதேச மாநிலம் மீரட்டில், தனது முதல் மனைவிக்குத் தெரியாமல் இரண்டாவது திருமணம் செய்துகொண்ட நபர், அதனைத் தட்டிக் கேட்க வந்த மாமியாரைத் தள்ளிவிட்டுக் கொடூரமாகக் கொலை செய்த சம்பவம் பெரும் அதிர்ச்சியை ஏற்படுத்தியுள்ளது. மீரட் நகரைச் சேர்ந்த 55 வயது மதிக்கத்தக்க பெண்ணின் மகள், தனது கணவர் தன்னிடம் கூறாமல் வேறொரு பெண்ணைத் திருமணம் செய்துகொண்டதையும், புதிய மனைவியைத் தங்களது வீட்டிற்கே அழைத்து வரத் திட்டமிட்டிருப்பதையும் கண்டு அதிர்ச்சியடைந்துள்ளார். இதனை அந்தப் பெண் மறுத்தபோது, அவரது கணவர் அவரைத் தாக்கியுள்ளார். இதனால் பயந்துபோன மகள், உடனடியாகத் தனது தாயை உதவிக்கு அழைத்துள்ளார்.

மகளின் அழைப்பை ஏற்று, மருமகனின் இரண்டாவது திருமணத்தைத் தடுத்து நிறுத்தவும், சமாதானம் பேசவும் அந்தத் தாய் தனது மருமகன் வீட்டிற்கு விரைந்துள்ளார். அங்கு இருவருக்கும் இடையே கடுமையான வாக்குவாதம் ஏற்பட்டு, அது மல்லுக்கட்டுகளாக மாறியது. அப்போது ஆத்திரமடைந்த மருமகன், தனது 55 வயது மாமியாரை பலமாக கீழே தள்ளிவிட்டதில், அவர் தலையில் பலத்த காயமடைந்து அந்த இடத்திலேயே பரிதாபமாக உயிரிழந்தார். ஒரு நொடி ஆத்திரத்தால் மாமியாரைக் கொன்றுவிட்டுத் தப்பியோடிய மருமகனை போலீசார் தீவிரமாகத் தேடி வருகின்றனர். இதனால் அந்த நபரின் எதிர்காலம் முற்றிலும் பாழாகியுள்ளது.