அய்யயோ..! “3 நாட்கள் ரேஷன் கடைகள் இயங்காது” தீபாவளி நேரத்தில் ரேஷன் கார்டுதாரர்களுக்கு அதிர்ச்சி… அதிகாரபூர்வ அறிவிப்பு..!!

நவம்பர் 2, 3 மற்றும் 4 ஆகிய மூன்று நாள்களுக்குத் தமிழகம் முழுவதும் உள்ள ரேஷன் கடை ஊழியர்கள் தொடர் வேலைநிறுத்தப் போராட்டத்தில் ஈடுபடப்போவதாக அதிகாரப்பூர்வமாக அறிவித்துள்ளனர். தகுதியான காலமுறை ஊதியம் வழங்குதல், புதிய எடையாளர்களை நியமித்தல் மற்றும் கூட்டுறவுத் துறைக்கு எனத் தனித்துறை உருவாக்குதல் உள்ளிட்ட 12 அம்சக் கோரிக்கைகளை வலியுறுத்தி இந்த மெகா போராட்டம் நடைபெறவுள்ளது.

பொதுவாக, ஒவ்வொரு மாதத்தின் தொடக்கத்திலும் பொதுமக்கள் தங்களுக்குத் தேவையான அத்தியாவசிய ரேஷன் பொருள்களை வாங்குவதற்கு அதிகளவில் கடைகளுக்கு வருகை தருவார்கள். அதுமட்டுமின்றி, இந்துக்களின் முக்கியப் பண்டிகையான தீபாவளித் திருநாள் நெருங்கி வரும் வேளையில் இந்த வேலைநிறுத்தப் போராட்டம் அறிவிக்கப்பட்டுள்ளதால், பண்டிகைக் காலப் பொருள்களை வாங்குவதில் மக்களுக்குப் பெரும் சிக்கல் ஏற்படும் சூழ்நிலை உருவாகியுள்ளது.

மாதத் தொடக்கத்திலும் பண்டிகை காலத்திலும் ஊழியர்கள் பணியைப் புறக்கணிப்பதால், குடும்ப அட்டைதாரர்கள் தங்களுக்குரிய ரேஷன் பொருள்களைப் பெறுவதில் கடும் சிரமங்களையும் அலைச்சல்களையும் சந்திக்க நேரிடும் என அஞ்சப்படுகிறது. இதனால், பொதுமக்களின் நலனைக் கருத்தில் கொண்டு அரசு இந்த விவகாரத்தில் தலையிட்டு ஊழியர் சங்கங்களுடன் பேச்சுவார்த்தை நடத்தி சுமூகத் தீர்வு காண வேண்டும் என்ற கோரிக்கையும் எழுந்துள்ளது.