“டேய், எங்கள பார்த்தா உனக்கு எப்படி தெரியுது?” போலி சிங்கத்தின் அலப்பறையை பார்த்து ஷாக்கான நிஜ சிங்கங்கள்… நெட்டிசன்களை சிரிக்க வைக்கும் வினோத ரியாக்ஷன்..!!

ஜப்பானில் உள்ள ஒரு உயிரியல் பூங்காவில் அவசர கால சூழ்நிலையை எதிர்கொள்வதற்காக நடத்தப்பட்ட மாதிரிப் பயிற்சி தொடர்பான வீடியோ ஒன்று தற்போது சமூக வலைதளங்களில் வைரலாகி வருகிறது. பூங்காவில் இருந்து சிங்கம் தப்பியோடினால் ஊழியர்கள் எவ்வாறு செயல்பட வேண்டும் என்பதைப் பயிற்சி செய்வதற்காக இந்த ஏற்பாடு செய்யப்பட்டிருந்தது. ஆனால், இந்த பயிற்சியின் போது அங்கிருந்த நிஜ சிங்கங்களின் வேடிக்கையான எதிர்வினை, இந்த தீவிரமான பயிற்சியை ஒரு நகைச்சுவை நாடகமாக மாற்றிவிட்டது.

இந்த வைரல் வீடியோவில், பூங்காவின் ஊழியர் ஒருவர் சிங்கத்தைப் போன்ற ஆடையை அணிந்து கொண்டு, தப்பியோடிய சிங்கம் போல பாசாங்கு செய்து அங்குமிங்கும் ஓடுகிறார். மற்ற ஊழியர்கள் அவரைப் பிடிக்க வலைகளுடனும் உபகரணங்களுடனும் துரத்துகின்றனர். இந்த ஒட்டுமொத்த நாடகத்தையும் தங்களின் கூண்டுக்குள் அமர்ந்தபடி மிகவும் கூர்ந்து கவனித்துக் கொண்டிருக்கும் நிஜ சிங்கங்களின் வித்தியாசமான முகபாவனைகளே இந்த வீடியோ இவ்வளவு பிரபலமடைய முக்கியக் காரணமாகும்.

https://www.instagram.com/reel/DaBLGlJMbJM/?utm_source=ig_web_button_share_sheet

மனிதர்களின் இந்த விசித்திரமான செயலைக் கண்டு நிஜ சிங்கங்கள் மிகுந்த குழப்பமடைந்தது போலவும், தங்களின் சிரிப்பை அடக்கிக் கொள்ள முயல்வது போலவும் அவற்றின் முகபாவனைகள் அமைந்துள்ளன. இன்ஸ்டாகிராமில் பகிரப்பட்ட இந்த வீடியோவை லட்சக்கணக்கான மக்கள் பார்த்து ரசித்துள்ளனர். இதைப் பார்த்த நெட்டிசன்கள், “நாம நிஜமாவே இப்படித்தான் இருக்கோமா என்று அந்த சிங்கங்கள் யோசித்திருக்கும்” என்றும், “நான் எப்போது இப்படி விசித்திரமாக நடந்துகொண்டேன் என்று சிங்கம் கேட்பது போல இருக்கிறது” என்றும் மிகவும் நகைச்சுவையாகக் கருத்துக்களைப் பதிவிட்டு வருகின்றனர்.