LATEST NEWS
“இதுதான் உண்மையான காதல்..” 7 ஆண்டுகள் கோமாவில் காதலி.. கண்விழித்ததும் மருத்துவமனை படுக்கையிலேயே காதலன் செய்த நெகிழ்ச்சி காரியம்.. இணையத்தை ஆக்கிரமித்த காதல் ஜோடி..!!
கோமா நிலையில் 7 ஆண்டுகள் உயிருக்குப் போராடிய காதலிக்காக, வேறு எவரையும் தனது வாழ்க்கையில் அனுமதிக்காமல் காத்திருந்த காதலனை, அவர் கண்விழித்தவுடன் மருத்துவமனை படுக்கையிலேயே மணந்து கொண்ட நெகிழ்ச்சியான காதல் கதை சமூக வலைத்தளங்களில் வைரலாகி வருகிறது. தன் காதலி எப்படியாவது குணமடைந்து விடுவாள் என்ற நம்பிக்கையை ஒருபோதும் கைவிடாத அந்த இளைஞர், அவளது நினைவு திரும்புவதற்காக 7 ஆண்டுகள் உருகி உருகிப் பிரார்த்தனை செய்துள்ளார். இறுதியாக, 7 ஆண்டுகளுக்குப் பிறகு அந்தப் பெண் கண்களைத் திறந்தபோது, தங்களின் உண்மையான அன்பின் அடையாளமாக அந்த மருத்துவமனை படுக்கையிலேயே அவனைக் கரம்பிடித்துள்ளார். தூய்மையான காதலுக்கும் அர்ப்பணிப்புக்கும் உதாரணமாகக் கூறப்படும் இந்தச் சம்பவம், தற்காலத் தற்காலிகக் காதல் உறவுகளுக்கு மத்தியில் ஒரு மாபெரும் அதிசயமாய் பார்க்கப்படுகிறது.
இருப்பினும், இந்த அழகிய காதல் கதைக்கு பின்னால் இன்றைய காலகட்டத்து உறவுகளின் கசப்பான உண்மையும் மறைந்துள்ளது. ஒருபுறம் ஒரு ஆண் தன் வாழ்நாளின் ஒட்டுமொத்த இளமையையும் ஒரே ஒரு முகத்திற்காக 7 ஆண்டுகள் தியாகம் செய்து காத்திருக்கும் வேளையில், மறுபுறம் இன்றைய உலகம் மிக வேகமாக ஓடிக்கொண்டிருக்கிறது. சாதாரண உறவுகளில் இந்த 7 ஆண்டு இடைவெளியில் திருமணங்கள் முடிந்து, புதிய வீடுகள் கட்டப்பட்டு, கைகளில் இரண்டு மூன்று குழந்தைகளே வந்துவிடுகின்றன.
