LATEST NEWS
“தூய சக்தி அல்ல, அது தூ சக்தி” தவெக-வை நேரடியாக அட்டாக் செய்த மு.க.ஸ்டாலின்.. தமிழக அரசியலில் பரபரப்பு..!!
தமிழக வெற்றிக் கழகத்தை திமுக தலைவரும் முன்னாள் முதலமைச்சருமான மு.க.ஸ்டாலின் கடுமையாக விமர்சித்துள்ளார். டைம்ஸ் ஆப் இந்தியா ஆங்கில நாளிதழில் வெளியான கட்டுரை ஒன்றை தனது எக்ஸ் சமூக வலைதளப் பக்கத்தில் பகிர்ந்து அவர் இந்தக் கருத்தைப் பதிவிட்டுள்ளார்.
அந்தப் பதிவில், தவெக என்பது மற்றுமொரு கட்சியோ அல்லது அரசியல் மாற்றமோ அல்ல என மு.க.ஸ்டாலின் குறிப்பிட்டுள்ளார். மேலும், அந்தக் கட்சி குற்றவாளிகளின் ‘ஹோல்சேல் கூடாரம்’ (Wholesale கூடாரம்) என்பதை அந்த ஆங்கில நாளிதழ் கட்டுரை சுட்டிக்காட்டியுள்ளதாகவும் அவர் தெரிவித்துள்ளார்.
இறுதியாக, தவெக-வை “தூய சக்தி அல்ல, அது தூ சக்தி” என விமர்சித்துள்ள மு.க.ஸ்டாலின், ‘#TVKFails’ என்ற ஹேஷ்டேக்கையும் தனது பதிவில் இணைத்துள்ளார். இந்தக் கருத்து தமிழக அரசியல் வட்டாரத்தில் விவாதத்தை ஏற்படுத்தியுள்ளது.
