“அண்டை வீட்டுப் பெண்ணின் அலறல் சத்தம்.. கதவைத் திறந்த அடுத்த நொடியே கழுத்தில் பாய்ந்த கத்தி… 46 வயது பெண்ணுக்கு நேர்ந்த கொடூரம்.. நெஞ்சை பதறவைக்கும் பின்னணி..!!

கொலம்பியாவின் பொகோட்டா நகரில் உள்ள உசாகுவென் பகுதியில், குடும்ப வன்முறையால் தவித்த அண்டை வீட்டுப் பெண்ணைக் காப்பாற்றச் சென்ற 46 வயதுடைய வனேசா வேரா என்ற பெண், கத்தியால் குத்தப்பட்டுப் பரிதாபமாக உயிரிழந்த நெஞ்சை உலுக்கும் சம்பவம் அரங்கேறியுள்ளது. அண்டை வீட்டில் இருந்து வந்த ஒரு பெண்ணின் அலறல் சத்தத்தைக் கேட்டு, உதவி செய்யும் நோக்கில் வனேசா அந்த வீட்டின் கதவைத் தட்டியுள்ளார். அப்போது கதவைத் திறந்த அந்த வன்முறை நபர், எதிர்பாராத விதமாக வனேசாவின் கழுத்தில் கூர்மையான ஆயுதத்தால் பயங்கரமாகக் குத்தியுள்ளார். இதில் படுகாயமடைந்த அவர், தீவிர சிகிச்சைப் பிரிவில் இரண்டு நாட்கள் உயிருக்குப் போராடிய நிலையில், கடந்த அக்டோபர் 19 திங்கள்கிழமை அன்று சிகிச்சை பலனின்றி உயிரிழந்தார்.

இந்தக் கொடூரத் தாக்குதலை நடத்திய பிறகு, அந்த நபர் தனது மனைவி மற்றும் குழந்தைகளுடன் அங்கிருந்து தப்பியோடி தலைமறைவாகியுள்ளார். வனேசாவின் இந்தத் தியாகமும், அவரது எதிர்பாராத மரணமும் அப்பகுதி மக்களிடையே பெரும் சோகத்தையும் ஆத்திரத்தையும் ஏற்படுத்தியுள்ளது. அண்டை வீட்டுப் பெண்ணின் உயிரைக் காக்கத் துணிச்சலுடன் சென்ற பெண் கொடூரமாகக் கொல்லப்பட்ட இந்தச் சம்பவத்தில், காவல்துறையினர் தங்களது விசாரணையை முடுக்கிவிட்டுத் தப்பியோடிய குற்றவாளியை உடனடியாகக் கைது செய்ய வேண்டும் என்று வனேசாவின் குடும்பத்தினரும் பொதுமக்களும் தீவிரமாக வலியுறுத்தி வருகின்றனர்.